Тожикистонда эрининг қариндошларига “заҳар солган” аёл 18 йилга ҳукм қилинди

Тожикистоннинг Хатлон вилоят суди Панж туманидаги Турдишайх қишлоғида истиқомат қилиб келган 39 ёшли Махпура Хикматовани 18 йил озодликдан маҳрум қилиш борасида ҳукм чиқарди. Жиноий иш материалларига кўра, аёл эрининг оила аъзоларининг овқатига камида тўрт марта заҳар солиб, уларни ўлдиришга уринган.

Бунинг натижасида икки киши заҳарланишдан вафот этган ва 38дан ортиқ киши кучли интоксикация олган. Бу ҳақда ОАВ 2017 йил сўнггида маълум қилган эди.

Давлат айбловчиси судланувчига 25 йил берилишини сўраган эди. Вилоят судидаги манбанинг 23 январь куни айтишича, Махпура Ҳикматова жиноят кодексининг иккита моддаси – “жиноятга уриниш” ва “қотиллик” бўйича айбдор деб топилган.

Ҳукм шу йилнинг январь ойи бошларида чиқарилган ва шикоят аризасини кўриб чиққан мамлакат Олий суди қарорига биноан ҳукм ўзгаришсиз қолдирилган.

Хатлон вилоят прокурори Насрулло Маҳмудзода 23 январь куни баёнот бериб, Махпура Ҳикматова уйга эгалик қилиш мақсадида эрининг қариндошларини ўлдирмоқчи бўлганини айтди. Ўз мақсадига эришиш йўлида у мунтазам равишда хамирга заҳар солиб келган. «2014 йилдан бошлаб Ҳикматова тўрт марта нон маҳсулотларига заҳарли химикатлар қўшган», – деди Маҳмудзода.

Бироқ маҳкумнинг қариндошлари бу айбловларни инкор қилишмоқда. Махпуранинг отаси Мирзошо Саидвалиевнинг айтишича, қизига туҳмат қилишмоқда. «Энди унинг болалари онасиз қолди. Икки нафари биз билан, икки нафари болалар уйида», – дея хўрсинади ота.

Махпура Ҳикматованинг эри тўрт йил муқаддам ўз жонига қасд қилган эди.

Бўлишинг:

Муҳаррир танлови

Оловга айланган кўчалар ёки «қон чиқмаса ҳисобмас»(ми?)

Бугунги куннинг трендга айланган мавзуси, шубҳасиз – кундузи чироғини ёндираман, деб машинаси ёнаётганлар бўлмоқда. Кечанинг ўзида олов ичида қолган машиналар ҳақида шунчалар ...

Туркманистонда нархларнинг ошишига қарши бўлганлар митингга чиқишди

Туркманистоннинг Лебап вилояти Фарап тумани ҳокимияти биноси олдига йиғилган 200 га яқин одам озиқ-овқат нархини пасайтиришни талаб қилишди. Бу ҳақда Озодлик радиосининг ...

Пайариқда 100 ёшдан ошган онахонга туғилганлик тўғрисидаги гувоҳнома берилди

Пайариқ тумани адлия бўлимига тумандаги “Янгиобод” маҳалла фуқаролар йиғини, “Йўлтепа” қишлоғида яшовчи фуқаро Пўлат Шерқулов 1919 йилда туғилган онаси Хурим Умированинг ёши ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400