Бошқа мавзулар
Қозоғистонда 18 январда ёниб кетиши оқибатида 52 ўзбекистонликнинг ўлимига олиб келган автобуснинг ҳайдовчилари ушландилар. Бу ҳақда фожиа юз берган Ақтўбе вилояти прокуратураси сайтида маълум қилинган.
Хабар kun.uz сайтидан олинди.
Прокуратура маълумотларига кўра, автобуснинг ёнишига автобус салонида исиниш учун қўлланган кавшар лампа сабаб бўлган. “Бу жиноятга автобуснинг барча уч ҳайдовчисининг алоқадорлиги ўрнатилди”, дейилган хабарда.
Ушбу жиноят юзасидан Қозоғистон жиноят кодексининг 345-моддаси 4-қисми (йўл ҳаракати ёки транспорт воситаларидан фойдаланиш қоидаларини бузиш) бўйича жиноий иш қўзғатилган.
Ичида 57 киши бўлган автобус Самара-Чимкент йўлида ёниб кетган. Ёнғин автобус ҳаракатланаётган вақтда юз берган. Фалокат оқибатида 52 киши ҳалок бўлган, 5 киши омон қолишга муваффақ бўлган.
