Каримовнинг хатоларини бартараф этиш мавриди келди!

 АҚШ президенти Дональд Трамп 2 миллион мигрантни АҚШ фуқароси сифатида тан олишини, Қўшма Штатларга болалигида ноқонуний равишда келган 1,8 млн мигрант Америка фуқаролигини олиши мумкин бўлган стратегияни имзолашга тайёрлигини расман эълон қилди. Бу ҳақда Reuters Оқ уй вакилларига таянган ҳолда хабар бермоқда.

Ўзбекистонда-чи?

Ўзбекистонда Ислом Каримов бошқаруви даврида бундай халқпарвар ғоялар асфалосалофинга кетди. Хайрли ва эзгу ғоялар ташаббускорлари душманга айлантирилди, бир нечаси жисмонан йўқ қилинди, қамоқхоналарга маҳкум этилди, мамлакатдан бадарға қилинди.

Ўз она юртига ноқонуний равишда эмас, қонуний йўллар билан қайтган сон-саноқсиз кишиларга, уларнинг Ўзбекистонда туғилиб вояга етган фарзандларига Конституцияга хилоф равишда Ўзбекистон фуқаролиги берилмасдан, уларга нисбатан қатор сунъий қийинчиликлар яратишди.

Бу эса, Ўзбекистон Конституциясини қўпол равишда бузиб, сохта сайловлар асосида ўлгунича мамлакатни бошқарган, ўзбек халқини умрининг охиригача ёлғон-яшиқ ваъдалар билан алдаб келган, айни кунларда 80 йиллик юбилейи нишонланаётган Ислом Каримовнинг халқпарвар, миллатпарвар бўлмаганидан, ёлғончилигидан яққол далолатдир.

Хайф, юбилей! Гарчи, Шавкат Мирзиёев Ислом Каримовнинг фуқароликка доир қатор хатоларини тўғрилаётган, миллатдошларига сидқидилдан ён босаётган бўлса-да, ушбу йўналишда амалга оширилаётган ишларда сусткашликлар йўқ эмас.

Бизнингча, Шавкат Мирзиёев Ўзбекистонда 20-30 йилдан бери яшаб келаётган, Ўзбекистонни ўз она юртим, деб ҳисоблайдиган ҳамда Ўзбекистон фуқаросига эга бўлолмаётган собиқ СССР фуқароларига, яъни фуқаролиги йўқ шахсларга ҳеч қандай шарт ва талаблар қўймасдан бараварига зудлик билан Ўзбекистон фуқароси паспортини бериши керак.

Биз шахснинг сиёсий қарашлари, мухолифона фикрлашлари туфайли унга Ўзбекистон фуқаролиги берилмаслигини “адолатли қарор”, деб ҳисобламаймиз.

Бу демократия тамойилларига тамомила хилоф иш. Бизнингча, дунёдаги демократик давлатлар, халқаро ҳамжамият бизнинг ушбу фикримизни қўллаб-қувватлайди.

Диктатор Ислом Каримовнинг хатоларига барҳам бериш мавриди келди, жаноб Мирзиёев!

Муаллиф Рўзибой Азимий.

Бўлишинг:

Муҳаррир танлови

Интернетда йпх инспекторлари янги формаси пайдо бўлди

Ижтимоий тармоқлар ва айрим Telegram каналларида ЙПХ инспекторларининг янги формаси сурати пайдо бўлди. Zed News Telegram канали маъмурларининг хабар беришича, бугун, 16 март ...

Ўзбек дунёсига ўзбекча қараш: радикаллашув илдизлари

Бугунги кунда ўзбек жамиятининг зиёлилари ва бўлаётган жараёнларга қизиқиш билдириб турадиган фаол қатлами орасида жамиятимиздаги радикаллашув таҳдидлари, уларнинг кўлами ва ...

Фарғонада мактаб ўқувчиси кимёвий модда ичиб вафот этгани ростми?

Турли ижтимоий тармоқларда Фарғона вилояти Ўзбекистон туманидаги 17-умумтаълим мактабининг 9-синф ўқувчиси синфдошлари томонидан мажбурлаб кимёвий модда ичдирилганлиги боис ...