Озарбайжонда навбатдан ташқари президентлик сайловлари бўлиб ўтади

Озарбайжон президенти Илҳом Алиев 11 апрелда навбатдан ташқари президентлик сайловлари ўтишини белгилади. Аслида овоз бериш 2018 йилнинг октябрида бўлиб ўтиши керак эди. Президент баёнотида нима учун сайловлар ўтадиган сана ўзгартирилгани айтилмаган.

Алиев – ҳукмрон партиядан Озарбайжон президентлига номзод сифатида кўрсатилди.

2016 йилда Озарбайжонда Конституцияга ўзгартиш киритишга бағишланган референдум бўлиб ўтди. Мамлакат бош ҳужжатига жами 29та қўшимча киритилди.

Киритилган ўзгартишлардан бири президент ваколатларини беш йилдан етти йилга узайтириш бўлди. Мамлакатнинг амалдаги раҳбари 54 ёшли Алиев 2003 йилдан бери президент лавозимини эгаллаб келади. У президентликни бемор отасидан қабул қилиб олган ва уч марта бўлиб ўтган президентлик сайловларида ( 2003й, 2008 й ва 2013 й.) ғалаба қозонган эди. Унинг амалдаги президентлик муддати 2018 йилда якунланиши керак эди.

Яна бир қўшимчага биноан мамлакатда иккита вице-президент лавозими таъсис этилди. Ҳар икки вице-президент президент томонидан тайинланади ва ишдан бўшатилади, биринчи вице-президент эса мамлакатдаги иккинчи раҳбар дея тан олинади. Президент ўз вазифасини бажара олмай қолган тақдирда, парламент томонидан тайинланадиган бош вазир эмас, балки биринчи вице-президент президент ваколатларини қабул қилади.

2017 йилда Алиев ўзининг рафиқаси, Мажлис депутати Меҳрибан Алиевани Озарбайжон биринчи вице-президенти лавозимига тайинлади.

Бўлишинг:

Муҳаррир танлови

Ўзбекистонлик аёлнинг 6 яшар қизини москва полицияси тортиб олди

Клин шаҳрида (Москва области) ўзбекистонлик муҳожир аёлнинг ташқарига бир ўзи ўйнагани чиқиб кетган 6 яшар қизини полиция ходимлари олиб кетди. Бухоролик Феруза Ўткирова 17 ...

«таълим тўғрисида»ги қонун лойиҳасининг муҳокамаси ҳамон давом этаётганига сабаб нимада?

Таълим бериш тили билан боғлиқ модда ҳаволаки тусда бўлиб қолгани боис, депутатлар томонидан уни қонун лойиҳасидан чиқариб ташлаш таклиф қилинди. Олий Мажлис Қонунчилик ...

Ариқдаги олтовлон: воқеа оққўрғон туманида бўлган, воқеа жойида ўзбекистон бош вазири ўринбосари зоир мирзаев бўлгани айтилмоқда

27 октябрь куни ижтимоий тармоқларни портлатган ариқдаги олтовлон сурати, «Кун.уз»нинг хабар беришича Тошкент вилояти Оққўрғон тумани, «Абдуносир Ғулом» фермер хўжалиги ...