Дилмурод Саййид: “Дилмурод Саййид тирик! Ўлгани йўқ!”

Ассалому алайкум! Тиканли симлару метин деворлар билан ихоталанган Ҳаёт тарзи ортда қолганига 3 кеча кундуз бўлмоқда!

Шу ўта қисқа вақт давомида менга озодликка чиққанлик насиб этганидан қувонган ўнлаб ИНСОНлар табриклаб, эзгу тилаклар билдиришмоқда.

Аслида мен бу куюнчак, захматкаш ва курашчан ИНСОНларни табриклашим ва қайта-қайта ташаккурлар айтишим лозим!

Зеро, аллохнинг рахмонлиги билан, энг аввало, айнан мен ва менга ўхшаш мазлумлар қисматига бефарқ бўлмаган ҳамкасбларимизнинг, ҳамфикр ва жасур дўсларимизнинг тинимсиз беминнат харакатлари ҳамда куюнишлари туфайли Солижонака, Аъзамакалар ва яна ўнлаб мазлумлар қаторида мен хам озодликка чиқдим.

Бунинг учун яратганга шукроналар келтириб, биз учун йиллар давомида нафақат Ўзбекистон, Оврўпою Осиё, Америкада туриб, қайғурган, талашиб-тортишган, ва ҳозирда қувончимиздан севиниб бизни табриклаётган инсонларга самимий ташаккурлар айтаман.

Юракда гапларим кўп! Тез орада уларни қоғозга тушура бошлайман, азизлар!

Барчангизга чин дилдан энг эзгу тилаклар ва камтарона ташаккур ила Дилмурод САЙЙИД.

Тошкент. 06.02.2018

Умримнинг эллик беш йили шамолдай-

Ўтди гоҳ тўзонли, гоҳида майин.

Кутиб қолди қилар ишим бир талай,

Шу кунга ҳам етдим, шукр, ўлмайин!

 Кимлардир қабримни кавлаб қўйганди,

Қарийб тўққиз йилда унутди кимлар.

Суд  ҳукми ўқилгач қўй ҳам сўйганди-

Тантана қилганди қаттол ғанимлар.

Аммо…

Яратганнинг Раҳмонлиги рост;

Мунофиқлар кутган кун келгани йўқ!

Холис дўст-Қаламим дона-дона:

“ДИЛМУРОД САЙЙИД ТИРИК! ЎЛГАНИ ЙЎҚ!”

Бўлишинг:

Муҳаррир танлови

Йўловчилар учун коронавирусга тест топшириш нархи маълум қилинди

Поезд ёки самолёт орқали ҳаракатланишни хоҳлаганларда 120 соатдан, яъни 5 кундан кўп бўлмаган муддат оралиғида коронавирусга тест топширгани ва натижа манфийлигини – вирус ...

Соғлиқни сақлаш тизимида жиддий ислоҳот зарур

Мамлакат Президенти Шавкат Мирзиёев Ӯзбекистонда соғлиқни сақлаш тизимида жиддий камчиликлар мавжудлигини тан олиб, соҳани ислоҳ қилиш даркорлигини илгари сурган эди ва бу ...

Ўз фарзандининг қотилига айланаётган оналар, сиз ҳам одаммисиз!

«Интернетда очиқланаётган қотилликлар холва, айтилмаётганлари қанча-ю...» деди биттаси. Шундай шайтонхонлар борки, туққанини ўлдириб гумдон қилганини ҳам билмай қолаверамиз. ...