Сўронбой Жээнбеков: Порахўрликка қарши курашувчиларнинг ўзи — порахўр

Бу ҳақида бугун Қирғизистон президенти Сўронбой Жээнбеков Хавфсизлик кенгаши йиғилишида айтди, дея хабар беради Baq.kz ахборот агентлиги маҳаллий ОАВдан иқтибос келтирган ҳолда.

Шунингдек, анжуманда Қирғизистон раҳбари “порахўрликка қарши курашишга қурби етишини” маълум қилди.

Кенгашнинг бугунги йиғилишида суд, прокуратура, хавфсизлик кучларининг масалалари муҳокама қилинди.

Жээнбеков ўз нутқида “Порахўрликка қарши курашиши шарт бўлган давлат органларининг ўзлари порахўрликка белигача ботганлиги сабабли ўз мажбуриятларини бажара олмаётир” – деди.

Шу билан бирга, Жээнбеков йиғилишда “йирик жиноятлар очилмай, фақат майда-чуйда ишлар очилиб, ҳукуматдагиларнинг салбий ҳаракатлари мутлақо тилга олинмайдиган бўлди”, деган хабар тез-тез тилга олинишини ҳам таъкидлаб ўтди.

Президент ўтган икки йилда ички ишлар органлари томонидан 65 минг жиноий иш очилганини, ундан атиги 30 фоизи судга юборилганини, судга юборилган ана шундай жиноий ишлардан 44 фоизининг жиноий жавобгарликдан озод этилганини айтди.

Иқтисодий ва порахўрликка доир жиноятларни текширадиган молия полицияси 2016-2017 йилларда 3807 та жиноий иш очганини, бироқ унинг 23 фоизигина судга юборилганини етказди.

Шавкат Мирзиёев иқтидорга келгандан кейин Ўзбекистонда фаолияти мутлақо муҳокама қилинмайдиган,  қисман ёритиладиган бир неча куч ишлатар тизимлари фаолияти кенг кўламда муҳокама қилинмоқда. Масалан, шу кунга қадар ИИВ фаолияти бир неча марта жиддий танқид қилинди. Ҳатто ИИВ вазирининг жирканчли кирдикорлари фош этилди. Давлат ичида давлат яратган Миллий хавфсизлик хизмати фаолияти чуқур ўрганилди. МХХ раисининг биринчи ўринбосари, генерал-полковник Шуҳрат Ғуломовнинг қатор ўғирликлари, наркобизнеси, қотилликлари баҳоли-қудрат ёритилди. У умрбодлик қамоқ жазосига маҳкум этилди.

Ҳеч кимга бўйсунмайдиган МХХ раиси Рустам Иноятовни 23 йилдан бери бошқариб келаётган лавозимидан ҳайдашди. Эндиликда, кенг халқ оммаси Рустам Иноятовнинг жиноий жавобгарликка тортилишидан умид қилмоқда.

Марказий Осиёда коррупцияга қарши кураш орқали самарали натижаларга эришилса, у ҳолда минтақадаги давлатлар тараққиётга юз тутади.

Муаллиф: Рўзибой Азимий

Бўлишинг:

Муҳаррир танлови

Юқори нуқта. (темуркент – бўлажак бошкент)

(давоми)  Гўзал кунлар келишини кутма,  Унга томон боришни ҳеч унутма.                                  Жалолиддин Румий Тоғлар оғушидаги муъжаз бозордан Самарқанд сари ...

“bukhara cotton textile” қурувчи-монтажчилари ва ходимлари ижтимоий тармоқларда улар номидан берилган шикоят ноўрин эканлигини билдиришди

Бухородаги Ўзбекистон-Буюк Британия ва Россия қўшма корхонаси “Bukhara Cotton Textile” асбоб-ускуналарини монтаж қилаётган ишчилар ижтимоий тармоқларда улар номидан берилган ...

Порталда нима гаплар ёҳуд янги прездент замонасида “ногиронларга аравача бепул берилармиш” деб эшитувдим?

Ўтган йил бошида “бундан кейин ногиронлар аравачаси ҳар беш йилда - бепул берилармиш” деб эшитиб қолдим. Бармоқ букиб санаб кўрсам, хукуматдан арава олмаганимга роса беш йил ...