Қозоғистон “мактабларида рўмол билан боғлиқ муаммо” бўйича жарималар давом этмоқда

Вилоят таълим соҳасини назорат қилиш департаменти маълумотларига қараганда, 19 январдан бошлаб қизлари мактабга қатнамаётган 13 нафар ота-она жаримага тортилган.

Энг кам ойлик ҳисоб кўрсаткичининг беш баробари (12 минг тенге ёки 37 доллар) миқдоридаги жарима Хобдин туманидаги Алия қишлоғида истиқомат қилувчи икки қизнинг ота-онасига ёзилган, дея хабар берди туман таълим бўлими раҳбари Нурлибай Айжариқов.

Айжариқовнинг сўзларига қараганда, маҳаллий мактабнинг олтинчи ва саккизинчи синфларида таълим олувчи маҳаллий оиланинг икки нафар қизи учинчи чоракдан бошлаб дарсга қатнашмаяпти. «Мактаб ўқувчиларининг ота-оналари билан бир неча бор учрашув ўтказилди, биз уларни огоҳлантирдик, кейин огоҳлантириш борасидаги ҳужжатларни таълимни назорат қилувчи вилоят департаментига топширдик. Биз тақдим қилган ҳужжатга асосланиб департамент уларни жаримага тортди», — дейди Айжариқов.

Дин ишлари бўйича вилоят бошқармаси маълумотларига кўра, айни дамда вилоятда “мажбурий мактаб формаси талабларига риоя этилмаслиги” туфайли камида 103 нафар ўқувчи қиз дарсга қатнамаяпти. Расмийларнинг айтишича, улар қизларнинг ота-оналари билан суҳбатлар ўтказишмоқда.

Вазир томонидан 2016 йил февралда имзоланган мактаб формасига “турли конфессияларга тааллуқли диний либос элементларини” киритилиши тақиқланган 26-сонли буйруқ, бу галги ўқув йилида мактабларда мусулмон либосларини кийиш масаласида, баҳсларни келтириб чиқарди. Декабрь ойида Остона суди мазкур буйруқни бекор қилишни сўраб чиққан ўнлаб ота-оналарнинг даъвосини рад қилди.

Бўлишинг:

Муҳаррир танлови

Хитойда интернетга кириш учун юз қиёфасини текширувдан ўтказиш талаб қилинади

Хитойда шу йилнинг 1 декабридан бошлаб фақат “юз қиёфасини таниш” тестидан ўтган фуқароларгина интернетга кира олади. Ҳозир фойдаланувчилар тармоққа уланишдан олдин шахсни ...

Бизнинг ўзбекистон дунёнинг энг камбағал 30-40 та мамлакатига кирадими?

Ўзбекистонлик танишларимдан “Бизда ЯИМ рақамлари реал шароитни акс эттирмайди чунки бизда хуфёна (яширин) иқтисодиёт жуда катта” деган гапларни тез-тез эшитиб тураман. ...

Россияда ўзбекистонлик сотувчи аёлни харидордар кўз ўнгида ваҳшийларча ўлдиришди

«Пятерочка» дўконида эркак киши кассирга ҳужум қилиб, аёлга пичоқ билан 20га яқин жароҳат етказди ва воқеа жойидан яширинди. Уч нафар фарзанди бўлган ўзбекистонлик Умида С. ...