Собиқ «​Абу-Сахий» бозорида тадбиркорлардан ноқонуний пул йиғилмоқда​

Тошкент шаҳрида жойлашган собиқ «​Абу-Сахий»​ бозори ўрнида янги ташкил этилган «Тошкент савдо маркази»да тадбиркорлардан ноқонуний пул йиғими бошланмоқда.

Мақола Kun.uz сайтидан олинди

Маълум қилинишича, маъмурият вакиллари бозор ҳудудида уяли алоқа воситалари билан савдо қилувчи барча тадбиркорлардан 300 АҚШ долларигача бўлган ўлпон йиғишни талаб қилмоқда. Kun.uz мухбири билан суҳбатлашган савдогарлардан бирининг айтишича, талаб қилинган пулни ҳар ойда мажбурий тартибда маъмуриятга йиғиб бериш сўралмоқда.

«Акс ҳолда, фаолиятимизни тўхтатиб қўйиш билан таҳдидлар қилинди. Рост гапни айтсам, шу бозорда куним ўтмоқда, оиламда қора қозон қайнайди. Бозор маъмурияти бўлса, турли баҳоналар билан жойимни олиб қўйишидан қўрқаман. Шунинг учун бирор органга очиқ мурожаат эта олмаяпмиз», дейди у.

Суҳбатдошнинг таъкидлашича, собиқ Абу-Сахий бозори маъмурияти ҳам шундай йўл билан ноқонуний пул йиғимини амалга ошириб турган.

«Вақти-вақти билан пул йиғиларди. Аммо, ҳар ойда 300 доллардан кимнингдир чўнтаги учун ишласак, рўзғорни ким тебратади», дейди бошқа сотувчи.

Тадбиркорларнинг иддао қилишича, ўлпон фақат уяли алоқа воситалари билан савдо қилувчи савдогарлардан ундирилиши режалаштирилган. Гап шундаки, сотувдаги хорижий бренд остида ишлаб чиқарилган телефон, планшетлар божхона тўловларисиз Ўзбекистонга олиб кирилган, деб тахмин қилинмоқда. Чунки бозорда миллий уяли алоқа воситалари билан эркин савдо қилиш давом этмоқда.

Шунга қарамай, «​Тошкент савдо маркази»​да юзага келган ҳолатга яқин кўринишда «Малика» марказида ҳам савдо йўлга қўйилган. Бундан ташқари, «​Тошкент савдо маркази»​нинг ўзида хориждан келтирилган бир қанча турли русумдаги маиший техника воситалари ҳам эркин сотувга қўйилган.

Эслатиб ўтамиз, «Тошкент савдо маркази» ташкил этилганидан буён бозор ҳудудида фаолият юритаётган тадбиркорлардан ундирилган солиқ тушумлари кескин ошиб кетгани айтилганди. Орадан бир ой ўтиб, бозор маъмурияти айрим тадбиркорларнинг фаолияти халақит бериб, дўкон олдига сотувдаги молларни қўйишни тақиқламоқчи бўлганди. Кейинчалик бу вазият ижобий ҳал этилди.

Бўлишинг:

Муҳаррир танлови

Тошкентда 1 миллиард сўмдан ошиқ пулга сотиб олинган уй сифатсиз чиқди

Ўзбекистон истеъмолчилар ҳуқуқларини ҳимоя қилиш жамиятлари федерацияси Тошкент шаҳар ҳудудий бирлашмасига фуқаро Акрамов Даврон мурожаат қилди. Аризага янги сотиб олинган уй ...

Пахта теримидан даромад қилиш мумкинми?

Пахта йиғим-терими қишлоқ хўжалигидаги энг бошоғриқ масала. Чунки ҳосил ҳалиям бизда классик усулда, қўлда терилади. Пахта териш машиналари далада номигагина кўриниш беради, ...

Uzauto 9 ойда 236 000 та автомобил сотди

UzAuto Motors 2019 йилнинг 9 ойида 236 000 та автомобил сотди, деб хабар қилди компания матбуот хизмати. Ушбу автомобиллардан 80 000 мингтаси сўнгги 2 ойга тўғри келган. ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400