Қозоғистон расмийлари юзлаб оилаларга алкоголь истеъмолини тақиқлади

Қаерда бўлишларидан – уйдами, ёки бошқа жойлардами, қатъий назар уларга алкоголь ичимликларини ичиш қатъиян ман қилинди. Тақиқларни бузган шахслар жазога тортилади, яъни 15 кунгача қамоққа олинишлари мумкин.

Қозоғистонда бу каби чекловлар борасидаги ташаббус 2017 йил охирларида илгари сурилди, ўша йили Маъмурий ҳуқуқбузарликлар Кодекси (МХБК)нинг 54–“Ҳуқуқбузарларнинг ҳатти-ҳаракати учун махсус талабларни белгилаш” моддасига қўшимча киритилган эди. Киритилган қўшимчага биноан, қандайдир ҳуқуқ бузилишига алкоголь истеъмоли сабаб бўлса, у ҳолда ИИВ талабномасига биноан суд аниқ бир инсонга спиртли ичимлик истеъмолини тақиқлаши мумкинлиги, кўрсатиб ўтилган. Тақиқлов инсоннинг қаерда бўлишидан қатъий назар, ҳатто ўз уйида ҳам спиртли ичимлик ичмаслигини кўзда тутади. МХБК судларга 3 ойдан 1 йилгача шу каби тақиқловлар жорий қилинишига рухсат беради.

Милюкнинг маълумотига қараганда, Қозоғистон ИИВ ҳисобида 10 мингга яқин “ночор” оила бор. Уларнинг ҳаммаси янги қонуннинг потенциал қурбони бўлиши мумкин. 2017 йилда бу каби тақиқлов 350 кишига қўлланилган бўлса, 2018 йил бошидан бери, ҚР ички ишлар вазири Қалмуханбет Қасимовнинг айтишича,855 кишига қўлланилган.

“Афсуски, биз, фаол ишлаши учунбу механизмни ҳозирча жорий қила олмаймиз. Аммо бу иш устида фаолиятимизни давом эттираверамиз, – дея баёнот берди Милюк. – “Ночор” оиланинг асосий критерияси – айнан спиртли ичимликлар истеъмолидир. Инспекторларимиз ҳодиса жойига бориб, текшириб ўтказганларида маст ҳолдаги ота-оналарни кўришади, амалда уларга нисбатан чора қўллаб бўлмасди. Эндиликда бу институт ишга тушди ва бу институт фаолиятини кенгайтириш керак”.

Қозоғистон Соғлиқни сақлаш вазирлиги маълумотларига кўра, 2017 йилда мамлакат аҳолиси ўртача 11 литрдан 12 литргача алкогол истеъмол қилган, бу қўшни мамлакатлардаги кўрсаткичдан анча юқоридир. Шу билан бирга мамлакат аҳолисининг 18% спиртли ичимликларга мубтало бўлган: улар ҳафтада икки марта алкоголь истеъмол қилишади.