Ҳукумат ўзбекистонлик ишчиларни хорижга юборишни авж олдирмоқда

“Ўзбекистон меҳнат муҳожирларини Германия, Қозоғистон ва Уммон Султонлигига ишга йўллаш масаласини кўриб чиқмоқда” –деб хабар беради BBC Uzbek нашриёти.

Хабарга кўра: Ташқи меҳнат миграцияси агентлиги раҳбари Равшан Ибрагимов Ўзбекистон ишчилар юборадиган давлатлар рўйхатини мунтазам равишда кенгайтирмоқда.

«Авваллари Жанубий Корея, Россия, Япония ва Польша давлатларига ташкиллаштирилган ҳолда ишчи йиғиларди. Энди Бирлашган Араб Амирликлари билан ҳам ҳамкорликни бошлаяпмиз. Шунингдек, агентлигимиз Германия, Қозоғистон ва Уммон Султонлиги билан меҳнат миграцияси бўйича ҳамкорликни ўрнатиш йўлида иш олиб боряпти» – деган Ибрагимов.

Душанба куни эса, агентлик Туркиянинг Tauga Group компанияси билан ўзбекистонлик ишчиларни Туркияга жўнатиш бўйича ҳужжатларга имзо чекди.

Турк компанияси Ўзбекистондан уй хизматкорлари, идиш-товоқ ювувчилар, фаррош, вахтёр, официант, бармен, меҳмонхона хизматкорлари, ошхона ишчилари ва ошпазларни ишга йиғмоқдалар.

Ишчилар Туркияда душанбадан жумагача ишлаши ва ойига 430 АҚШ долларига тенг маош олишлари кутилмоқда.Сафар ва яшаш харажатларини Турк томони ўз зиммасига олмоқда.

Агентлик жорий йилда Россияга расман яна 50 минг мигрантни йўллаши кўзда тутилган.

– Албатта, бу ишларни ташкиллаштираётган Ташқи меҳнат миграциясининг ҳаракати яхши. Билишимча, Жанубий Кореяга одам ўзи хоҳласа ҳам кета олмаслиги мумкин. Сабаби корейслар томонидан сизга таклифнома келмаса ўзбошимча бора олмайсиз. Ӯзбекистон томонидан ҳам жўната олмайдилар.

Ўтган сафар қизиқиш билан Ташқи меҳнат миграциясига қўнғироқ қилиб сўраганимда: ҳозирда фақат меҳнат муҳожирлари Россияга юборилмоқда, Польша ва Германияга келишувлар амалга оширилмоқда, деганди. Бунга ҳам бир йилларча бўлиб қолди. Япония ҳақида гап ҳам бўлмаганди.

Президент Шавкат Мирзиёевнинг яқин кунларда Қозоғистонга ташрифи кутилмоқда, албатта, бу учрашувда жуда катта келишувлар кутилмоқда. Бинобарин меҳнат шартномасига ҳам келишилса ажабланмаймиз. Сабаби бу йил Қозоғистонда, «Ўзбекистон» йили дея белгиланган.

Муаллиф: Нур Дӯст

Бўлишинг:

Муҳаррир танлови

Бизнеснинг ички томони: ўзбекистон кино саноати қандай яшамоқда?

Режиссёр Бекзод Жониев Kommersantга бир кунли суратга олиш қанчага тушиши, кинодан қанча пул ишлаш мумкинлиги ва бу бизнесда қандай муаммолар мавжудлиги ҳақида сўзлаб берди. ...

Миллиардер усмонов европа иттифоқи санкцияларига қарши судга мурожаат қилди

Асли ўзбек бўлган россиялик миллиардер Алишер Усмонов Европа Иттифоқининг санкциялар рўйхатига тушгани учун Европа судига мурожаат қилгани маълум бўлди. У ўз аризасини ...

Facebook 50 миллион одамнинг шахсий маълумотлари ўғирлангани учун масъул эканини тан олди

Facebook 50 миллион фойдаланувчисининг шахсий маълумотларини асрай олмагани ошкор этилгани ортидан юзага келган жанжал оқибатида ижтимоий тармоқ 60 миллиард доллар зарар ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400