Журналист Бобомурод Абдуллаевнинг маҳкамаси ҳали узоқ давом этади

Журналист  Бобомурод Абдуллаевнинг маҳкамаси ҳали узоқ давом этади

28 март 2018 йил соат 15-00 да Жиноят ишлари бӯйича Тошкент шаҳар судида судья Зафар Нурматов раҳбарлигида Ӯзбекистон Республикаси Жиноят Кодексининг 159-моддаси 4-банди билан айбланаётган журналист, Андрей Сахаров жамғармаси томонидан таъсис этилган “За мужество” нишони совриндори Бобомурод Абдуллаев, блогер Ҳаётхон Насрединов, тадбиркорлар Равшан Салаев ва Шавкат Оллоёровларнинг суд иши бӯлиб  ӯтди.

Ушбу шов-шувли суд мажлиси пойтахтимизда “Тинчлик жараёни, хавфсизлик соҳасидаги ҳамкорлик ва минтақавий шериклик” мавзуида бӯлиб ӯтаётган Афғонистон бӯйича Тошкент халқаро конференциясига тӯғри келганлиги боис бу сафар ҳам маҳкамада бир қатор чет давлатлардан вакиллар, жумладан, АҚШ, Россиядан кузатувчилар ва журналистлар иштирок этди.

Шунингдек, судда Human Rights Watch (Хьюман Райтс Вотч) Халқаро инсон ҳуқуқларини ҳимоя қилиш ташкилотининг Европа ва Марказий Осиё давлатлари бӯйича вакили Стив Свердлоу, “Бирдамлик” Халқ демократик ҳаракати фаоллари ва Mulkdor.com сайти мухбирлари ҳамда бир неча инсон ҳуқуқларини ҳимоя қилиш ташкилоти вакиллари, маҳаллий ва хорижий оммавий ахборот воситалари ходимлари қатнашди.

Қарийб тӯрт соат давом этган бугунги судда ҳам асосан журналист Бобомурод Абдуллаевнинг Тошкент шаҳридаги МХХ тергов изоляторида кӯрган-кечирганлари, унга нисбатан қӯлланилган қийноқлар тафсилотлари тингланди.

Шундай қилиб, Бобомурод Абдуллаев ўз кўрсатмаларини тугатди. Сӯнгра у судья, прокурор ва  адвокатлар саволларига жавоб бера бошлади.

Бобомурод Абдуллаевнинг адвокати Сергей Майоровнинг Б. Абдуллаев ишига гувоҳ сифатида Муҳаммад Солиҳни чақириш таклифига доир аризасига судья З. Нурматовнинг жавобидан келиб чиққан ҳолда мазкур суд иши ҳали узоқ давом этиши мумкин, деган хулосага келсак бӯлади.

Бобомурод Абдуллаев, Шавкат Оллоёров, Ҳаётхон Насретдинов ва Равшан Салаевларнинг навбатдаги суд иши 29 март куни соат 9-30 да бӯлиб ӯтиши эълон қилинди. Унда қолган уч нафар айбланувчилар сӯроқ қилинади.

Муаллифлар: Қаҳрамонхон Маҳмуд, Рӯзибой Азимий,  Дилфуза Лангар

Бўлишинг:

Муҳаррир танлови

Петербургда ўзбекнинг ўз жияни қотилига айланди

11 октябрь куни Россиянинг Калинин туманида 2 ўзбекистонлик ўзаро жанжаллашган ва оқибатда улардан бири ҳалок бўлган. Бу ҳақда Ўзбекистоннинг Санкт-Петербург шаҳридаги бош ...

Андижонда ўқитувчилар мактаб учун арча кўчати сотиб олишга мажбурланмоқда

Андижоннинг Бўз туманида ўқитувчилар ҳокимлик босими остида ўзлари ишлайдиган мактабларни ободонлаштириш учун арча кўчатларини бозор нархидан бир неча баравар баланд нархда ...

Марихуанадан тиббий мақсадларда фойдаланиш​га рухсат берилди

Таиланд Миллий қонун чиқарувчи Ассамблеяси марихуанадан тиббий мақсадларда фойдаланиш, уни сақлаш, импорт-экспорт савдосига рухсат берди, деб ёзмоқда ЎзА сайти. Унга кўра, ...