Андижонлик 9-синф ўқувчиси тенгдошини пичоқлаб ўлдирди

Андижонлик 9-синф ўқувчиси тенгдошини пичоқлаб ўлдирди

7 апрель куни Андижон шаҳридаги 10-умумтаълим мактабининг 9-синф ўқувчиси мактаб ҳовлисида шаҳарнинг 29-мактабида ўқийдиган тенгқурининг юрагига пичоқ санчиб ўлдирган.

Халқ таълими тизимида ишлайдиган мулозимнинг айтишича, бу пайтда ўқитувчиларнинг аксарияти шаҳар ҳокимлиги эълон қилган шанбаликда бўлган.

Андижон шаҳар 29-умумтаълим мактабининг 9-синфида ўқийдиган Муҳаммадасрор Собиров 7 апрель куни 10-мактабнинг ҳовлисида пичоқлаб ўлдирилганини шаҳар ички ишлар бўлимининг исми сир қолишини сўраган мулозими тасдиқлади.

– Шу мактабнинг Ш.А. исмли 9-синф ўқувчиси билан 29-мактабнинг 9-синф ўқувчиси Муҳаммадаброр Собиров ўртасида телефонда ҳозирча сабаби аниқланмаган жанжал бўлган. Биринчи суриштирувга кўра, қаттиқ ҳақорат эшитган Ш.А. тенгқурини мактабга келишини, у билан разбор қилишини айтган. Муҳаммадасрор ҳам дарсни ташлаб 10-мактабга келган ва тенгдошига қўнғироқ қилган. Шунда Ш.А. бешинчи соатдаги дарсдан чиқибоқ, тенгдошининг юрагига пичоқ урган. Муҳаммадаброр Собиров воқеа жойида ҳалок бўлган , –деди ички ишлар мулозими.

Унинг айтишича, 29-мактаб ўқувчиси Ички ишлар бўлимининг ёмон хулқли болалар рўйхатида турган.

– Айни пайтда терговчилар бу иш билан шуғулланяпти. Ўзбекистон Жиноят кодексининг қасддан одам ўлдириш моддаси билан жиноят иши қўзғатилган. Қотилликда гумонланган Ш.А. ҳибсга олинган, – дейди мулозим.

Воқеа 10-мактаб ҳовлисида содир бўлган. Ушбу мактаб ўқитувчиларидан олинган маълумотга кўра, воқеа содир бўлган пайтда ўқитувчиларнинг аксари шаҳар ҳокимлиги эълон қилган шанбаликда бўлган ва ўқувчилар қаровсиз қолган.

Бўлишинг:

Муҳаррир танлови

Абдулла ариповнинг ўринбосари нодир отажонов президент администрациясига ўтказилди

Ўзбекистон Республикаси бош вазири ўринбосари Нодир Отажонов президент администрациясига ўтказилди. Бу ҳақдаги маълумотни Kun.uz ахборот манбаси тасдиқлади. Фото: Халқаро ...

Тошкентда миб пора олаётганида ушланди

Бош прокуратура ҳузуридаги МИБ ходимлари томонидан фуқаро С.Ф.нинг аризасига асосан Шайхонтоҳур туманида тезкор тадбир ўтказилди. Бу ҳақда “Дарё” ёзмоқда. Абдулла Қодирий ...

Энг ёш вазир ўринбосари халқ таълими вазирлигидан кетди

Халқ таълими вазири ўринбосари Алишер Саъдуллаев бошқа ишга ўтгани муносабати билан лавозимидан озод этилган. Бу ҳақда “Халқ сўзи“  маълум қилди. Маълумотларга кўра, Алишер ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400