Ўзбек-қирғиз чегарасидаги ўқ узилиши юзасидан Бош вазирлар мулоқот ўтказди

Ўзбек-қирғиз чегарасидаги ўқ узилиши юзасидан Бош вазирлар мулоқот ўтказди

8 апрель куни Ўзбекистон ва Қирғизистон бош вазирлари Абдулла Орипов ҳамда Сапар Исаков ўртасида телефон мулоқоти ўтказилди. Ҳукумат раҳбарлари 7 апрель куни чегарада 1984 йилда туғилган Қирғизистон фуқароси ўзбек чегарачилари томонидан отиб ўлдирилиши воқеасини муҳокама қилишган.

“Суҳбат давомида томонлар 9 апрель куни икки давлат чегара хизматлари ҳамда бошқа мутасадди маҳкамалар раҳбарлари даражасида учрашув ўтказишга келишиб олган”, – деб хабар қилди ҳукумат матбуот хизмати.

Қўшма ишчи гуруҳи ҳодисани батафсил ўрганиб, яқин вақтлар ичида натижаларини маълум қилади”, дейилади хабарда.

Эслатиб ўтамиз, 7 апрель куни Ўзбекистон чегарачиси отган ўқдан 34 яшар Қирғизистон фуқароси ҳалок бўлган эди. Қирғизистон Давлат Чегара хизмати маълумотига кўра, Қирғизистоннинг Жалолобод вилояти Аксу тумани Мамай қишлоғи ҳудудида Ўзбекистон чегарачилари қирғизистонликка ўқ отган. У олган жароҳатлари туфайли Қирғизистоннинг Кербен шаҳар касалхонасига етказилган, бироқ у шифохонада вафот этган.

Ўзбекистон томони бу ахборотни инкор қилмоқда, деб хабар беради ўзбек ОАВ. Қирғизистон фуқароси Ўзбекистоннинг давлат чегарасини ноқонуний кесиб ўтгани ва унга ўқ узилган маҳалда Ўзбекистон ҳудудида бўлгани хабар қилинмоқда.

У бўйсунмаганидан сўнг, чегарачилар унга ўқ узишди. У Қирғизистон ҳудудигача юугуриб етди, бу ерда уни шериклари қўлтиқлаб олишди ва кутиб турган машинада касалхонага олиб боришди, деди интернет нашрнинг ўзбек куч ишлатиш тузилмаларидаги манбаси.

Бўлишинг:

Муҳаррир танлови

Ҳофиз абдурауф олимов билан суҳбат: “сочда қиров, юзда кузу кўнгилда баҳор!”

Таниқли санъаткор Абдурауф Олимовнинг файзли хонадонига ташриф буюриб, қилган суҳбатимизни сиз азизларга илиндик. Ораларингизда ҳофизнинг “Бу турфа гуллар...”, “Оқ кабутар” ...

Қирғизистон қозоғистон ва ўзбекистоннинг энергетика вазирларини тўқтўғулга чақирди

Энергетика вазирлиги Қозоғистон ва Ўзбекистон энергетика вазирларини Тўқтўғул сув омборидаги вазият билан танишиш учун Қирғизистонга таклиф қилди. Бу ҳақда бугун ...

Минор масжидида пул ўғирланди

Тошкент шаҳар Юнусобод туманидаги “Минор” жоме масжидида ўғрилик содир этилди. Бу ҳақда Тошкент шаҳар ИИББ Матбуот хизмати хабар берди. Воқеа жорий йилнинг 8 июль куни соат ...