“Нега йиғланади – йиғланмасин!”

“Нега йиғланади – йиғланмасин!”

Ҳокимиятдагилар ҳар шанбада аҳоли хонадонларига кириб, уларнинг муаммоларини ўрганишяпти.

Ўтган шанба куни уйимга кастюм-шим кийган икки йигит кириб келишди. Салом алик йўқ, тўғри томорқа томонга ўтиб, уёқ-буёғини кўрган бўлишди. Шундан кейингина – қайтиб келиб, ҳалиям чўзиқлигича турган қўлимни сиқиб саломимга алик олишди.

– Томорқангиз зўр-ку! – дейишди улардан бири. – Биз ҳокимятданмиз, аҳолининг томорқадан қандай фойдаланаётгани текшириб юрибмиз. Томорқа экилмаган бўлса, тамом – “налог” уч баробар ортади! Сизда ҳамма нарса жойида экан. Бизга қандай шикоятлар бор, айтинг?

Бу йигитларни Абдулла Қаҳҳорни “Ўғри” ҳикоясидаги “нега йиғланади – йиғланмасин!” деган АМИНга ўхшатдим. Қараса, ёшим уларникидан катта, лекин ФУҚАРОман ҳамда коляскада ўтирибман, шунгами сиз дейишга тили қурғур бўйсинмаяпти шекилли?

– Шикоят йўқ, худога шукур, – дедим. – Фақат… Мана ўн кун бўлди – сув йўқ, сувсизликдан экинларимиз қурий бошлади!

– Сув хеч қаерда йўқ, буни еча олмаймиз! – иккинчи ҳокимятчи. – Хозирча водопроводдан суғориб амаллаб туринг. Бошқа муаммоингиз бўлса, айтинг – марҳамат ечиб берайлик?

– Муаммо бор, – дедим мен. – Бир қизим контракт билан ўқийди, шартнома пулини ўтказиб беринг!

Улар бирваракайига кулиб юборишди.

– Бу ҳам қўлимиздан келмайди. – дейишди кула кула кўзларидан чиққан ёшни артишаркан. – Бошқа бирор нарса айтинг?

– Худога шукур, хеч қандай муаммо йўқ! – дедим мен. – Илойим, юртбошимиз соғ-саломат бўлсинлар, пенсиямни ойма ой олиб турибман. Хатто ҳокимятчилар ҳам келиб холимиздан хабар олиб туришибди. Ҳаётимиз – СВЕТНОЙ!

Муаллиф: Қадамбой Отабоев

Бўлишинг:

Муҳаррир танлови

Ҳар бир ишни адолатли ҳал этса бўлади

Бугун Ўзбекистоннинг турли ерларидаги бузди-бузалоқлар, минг хайрли ниятда бўлмасин, ижтимоий адолат кескин бузилишига сабаб бўлмоқда. Шу муносабат билан икки воқеа эсимга ...

Сурхондарёда адолат шабадалари қачон эсади?

Сурхондарё вилояти Музробод туман ҳокимлиги мен, Дилором  Зайниева раҳбарлик қилаётган «Зебо Ситора» фермер хўжалигимизни ноқонуний, ҳаётга тадбиқ этилган қонун ҳужжатларига ...

Бугун президент ш. мирзиёев ақшга жўнаб кетди, лекин…

Эндироқда "Ўзбекистон 24" каналидан "Ахборот" дастурининг кечки сонини жонли эфирда кўрдим. (more…)


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400