Ўзбек-тожик чегарасини миналардан тозалаш бўйича қўшма ишчи гуруҳи тузилди

Ўзбек-тожик чегарасини миналардан тозалаш бўйича қўшма ишчи гуруҳи тузилди

Ўзбек-тожик чегара минтақаларини миналардан тозалаш бўйича икки мамлакат мутахассисларидан иборат қўшма ишчи гуруҳи тузилди.

Тожикистон расмийларига кўра, икки мамлакат чегарасидаги минтақаларни миналардан тозалаш ишлари май ойининг иккинчи ярмида бошланиши режалаштирилган.

Тожикистондаги миналар бўйича миллий марказ раиси Муҳаббат Иброҳимзоданинг 17 апрель куни айтишича, ҳозир қўшма ишчи гуруҳи чегара минтақаларини миналардан тозалаш амалиётини ўтказиш учун тайёргарлик ишларини бошлаган.

Тожикистон Миллий хавфсизлик қўмитаси қошидаги Чегара қўшинлари сўзчиси Муҳаммад Улуғхожаев мазкур гуруҳга чегара қўшинлари вакили ҳам киритилганини билдирди. У Тожикистон ва Ўзбекистон чегарасидаги қайси минтақалар ва қанча узунликда миналаштирилгани борасидаги маълумот махфий қолаётганини билдирди.

Аммо, норасмий манбаларга кўра, икки давлат чегарасида 9,5 квадрат километр минтақа миналаштирилган.

Эслатиб ўтамиз, Ўзбекистон президенти Шавкат Мирзиёевнинг март ойидаги Тожикистонга давлат ташрифи чоғида икки давлат раҳбарлари икки мамлакат чегарасини 2019 йилининг охиригача миналардан тозалаш бўйича келишувга эришганди. Ўтган асрнинг 90-йилларида Ўзбекистон Тожикистон билан бўлган чегара минтақаларининг айрим жойларини миналаштириб чиққанди.

Расмий Тошкент ўз амалини жангари гуруҳларнинг Тожикистондан Ўзбекистон ҳудудига сизиб ўтишини бартараф этиш мақсади билан изоҳлаган эди.

Тожикистондаги миналар бўйича миллий марказ маълумотига кўра, ҳозирга қадар пиёдаларга қарши миналарнинг портлаши оқибатида 800 нафардан ортиқ тожикистонликлар ҳалок бўлган.

Бўлишинг:

Муҳаррир танлови

Алаш мухторияти

Алаш Мухторияти — қозоқ халқининг 1917-1920 йиллардаги миллий давлати. Алаш мухторияти 1917-йилнинг 13-декабрида Оренбургда бўлиб ўтган II Умумқозоқ қурултойида ташкил ...

Тошкент вилояти 4та шаҳридан «ажралди»

Тошкент вилоятининг 4та ҳудудий бирлиги вилоятдан ажратиб олинди. Бу ҳақда айни пайтда давом этаётган Халқ депутатлари вилоят кенгашининг навбатдан ташқари сессиясида маълум ...

Ўзбекистон президенти францияга расмий сафар билан бориши хабар қилинди

Ўзбекистон Республикаси президенти Шавкат Мирзиёев яқин вақт ичида расмий ташриф билан Францияга боради. Бу ҳақда ҳукуматдаги манбасига таяниб Podrobno.uz хабар қилди. ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400