Таълимга қатъиятсиз раҳбар керак(мас)ми?

Таълимга қатъиятсиз раҳбар керак(мас)ми?

Агар Диана бўлмаганида… Герострат исми тарихда қолмасди, Доди ал-Фаёд бошқача ўлим топарди ва ўзбекистонлик ўқитувчилар ҳаливери мажбурий меҳнатдан халос бўлмасмиди. Ўзбек Дианаси – самарқандлик оддий ўқитувчи, эндигина 23 ёшга кирган ва бир фарзанднинг онаси эди. У халқ таълими вазирининг қатъиятсизлиги сабабли оламдан ўтди. Вазир Улуғбек Иноятов журъатсизлигини 17 апрель куни бош вазир Абдулла Арипов ўтказган йиғилишда шахсан тан олди:

«Раҳбар сифатида ўзимда ҳам бу борада журъат, қатъият етишмаган. Бир хайрихоҳ бўлиб, бу нарсани ватанпарварликка ҳам йўйиб, шу ишларга биргаликда чиқиш масаласида ўзим ҳам тепасида турганман», – деди вазир.

Эътибор беринг, Иноятов бу гапларни президент қаттиқ танқид қилиб, бош вазир сўроққа тутганидан кейингина гапирди. Ваҳоланки ўқитувчиларнинг мажбурий меҳнатга жалб этилаётгани йиллар давомида муҳокама қилиниб, бу ҳақда қанчадан қанча мақолалар ёзилди.

Шунча гап-сўз, ўқитувчиларнинг жабрдийда ва қурбон бўлганини кўриб туриб «бу ишларнинг бошида ўзим ҳам турганман», деган вазирнинг кўксида инсон юраги, унинг ичида виждон деган нарса бор деб ўйлайсизми? Ўзбек ўқитувчиларини маҳаллий ҳокимият қўлига қул қилиб топшириб, устига-устак бу ишларнинг бошида туришни қайси педагог, қайси устоз, қайси зиёли ўзига эп кўрар экан, билмадим. Мансаб ва мол-дунё учун бунчалик шарафсиз бўлишни қандай оқлаш мумкин?

Иноятов жаноблари фақат ўқитувчилар эмас, журналистларга ҳам қасди борлигини биласизми? Мен бир вақтлар ишлаган «Маърифат» газетаси ходимларининг ойлигини камайтириш, мукофот пулларини бекор қилиш, бош муҳаррир миниб юрган «Ласетти» машинасини вазирлик гаражига тиқиб қўйишда у бош-қош бўлган. «Маърифат» ходимларининг айби айрим вазирлик ходимларидан салгина кўпроқ ойлик олгани, журналист сифатида мамлакатда эсаётган демократия шамолларидан фойдаланиб, таълимдаги муаммоларни кўтариб чиқаётгани бўлган холос. Яхшиямки газета бош муҳаррири вазирдан фарқли равишда журъат кўрсатиб унга очиқ хат ёздию Иноятовнинг попуги пасайди. Бўлмаса канадек журналистларга ёпишиб, қонини ҳали ҳам сўриб ётган бўларди.

Шунақа гаплар. Ўз қўл остидагиларни ҳимоя қила олмайдиган, журъатсиз ва қатъиятсиз раҳбар тизимга фақат ва фақат зарар келтиради. Ундай раҳбарлар ўзи билиб лавозимидан кетмаса, мажбуран ариза ёздирилиши керак. Иноятов ўзи ишдан кетармикан ёки шармандаларча ҳайдалармикан, буни вақт кўрсатади.

Лекин нима бўлган тақдирда ҳам у ўзбек Дианасининг фожиали ўлими, таълим тизимининг таназзулида бош айбдорлардан бири сифатида тарихда қолса керак.

Мақола Санжар Саиднинг “Фейсбук” саҳифасидан олинди

Бўлишинг:

Муҳаррир танлови

Ғийбатчи, ишёқмаслар маконидаги маразлар эканмиз!

Stress. (Дардлари оламга сиғмас устознинг ҳеч кимга айтолмайдиган аламли кечинмалари) Иложи бўлса, Тошкент шаҳар халқ таълими бош бошқармаси бошлиғи Мамаджанов Аваз ...

Йпх ходимида айб йўқ! ҳамма айб «телефон»да…

Декабрнинг илк ҳафтаси, кун жудаям совуқ эди. Самарқанднинг катта кўчаларидан биридаги бекатда хаёл билан автобус кутиб турган эдим. Шу пайт ЙПХ ходимининг ҳуштагидан ...

Туш. яъни ш.мирзиёев қабулида (5-боб).

Диний сиёсий махбуслар. Соат 22-00 лар бўлишига қарамай автомашиналар унча сийраклашмаган. Светофорнинг қизил чироғида турсам, машинам ёнига бири ўн бир яшарлар, яна бири ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400