Уруш фахрийларига бепул озиқ-овқат ва кийим берилади

Иккинчи жаҳон уруши фахрийлари, фашистлар концлагерларининг собиқ балоғатга етмаган асирлари ва Ленинград қамалини бошдан кечирган Ўзбекистон фуқароларига бундан буён ой сайин озиқ-овқат маҳсулотлари ва ҳар мавсумда кийим-кечаклар бепул берилади.

Қарорга асосан, ҳар ойнинг 15-кунида ҳар бир одамга 3 кило ун, 1 кило гурунч, 500 грамм гречка, 500 грамм макарон, 1 кило суяксиз мол гўшти, 1 кило парранда гўшти, 200 грам сарёғ, 15та тухум, 1 кило шакар, 1 литр кунгабоқар мойи, 200 грамм чой, 100 грам совун, 200 грам кир совун, 150 грамм кир ювиш порошоги ва 8та памперсдан иборат пакет бепул берилади.

Бундан ташқари ҳар йили куз мавсумида эркакларга костюм, қишки ва ёзги оёқ кийим, иссиқ ич кийим, свитер, кўйлак, ич кийим (2 дона), пайпоқ (4 дона), аёлларга эса иссиқ кўйлак, иссиқ ич кийим, қишқи ва ёзги пойабзал, ёзги кўйлак, свитер, ич кийим (2 дона) ва чулки (4 дона) бепул берилади. Қарорда икки йилда бир марта эркакларга куртка ва бош кийим, аёлларга пальто, ёзги ва қишки рўмол берилиши ҳам назарда тутилган.

Аввалроқ, президент Шавкат Мирзиёев Иккинчи жаҳон уруши иштирокчилари бўлган Ўзбекистон фуқароларига жорий йилда 5 миллион сўм (618 доллар) дан бир марталик мукофот пули бериш тўғрисидаги фармонни имзолаган эди.

Урушда қатнашган 1,5 миллион ўзбекистонликлардан ярим миллиондан ортиғи ҳалок бўлган. Уруш йилларида Ўзбекистон фронтолди ҳудудларидан кўчирилган бир миллионга яқин оилалар ва болаларни қабул қилган эди.

Бўлишинг:

Муҳаррир танлови

Доллар арзонлади, гўшт қимматлади, бензин тақчиллашди

  Ўзбекистон “қора бозори”да доллар курсининг тушиши, гўшт нархининг кескин тарзда кўтарилиши ва бензин тақчиллиги шу кунларда ижтимоий тармоқларда қизғин муҳокама ...

Тошкент вилояти ҳокими бўлган ғуломжон ибрагимов завод директори бўлди

Бош вазир ўринбосари ҳамда Тошкент вилояти ҳокими лавозимларида фаолият юритган Ғуломжон Ибрагимов «Биринчи Резинотехника Заводи» МЧЖ директори этиб тайинланди, деб ёзади ...

Қашқадарёда асаб-руҳий касалликлар шифохонаси сирини фош қилишга уринган журналистга куч ишлатилгани айтилмоқда. шифохона қандай сирни яширмоқда?

Қашқадарёда асаб-руҳий касалликлар шифохонаси сирини фош қилишга уринган журналистга куч ишлатилгани айтилмоқда. Шифохона қандай сирни яширмоқда? Дилшод Набиев. Фото: «Дарё» ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400