Иссиқкўл вилоятидаги “Аврора” санториясида 13 киши заҳарланди, улар орасида Эрон ва БААлик спортчилар ҳам бор. Бу ҳақда Соғлиқни сақлаш вазирлигида матбуот хизматида хабар қилишди.
Таъкидланишича, 7 май куни тахминан соат 15:30 да Чўлпонота ҳудудий касалхонасига санаториядан 7 киши ётқизилди. Ярим соатдан сўнг яна 6 киши ёрдам сўраб мурожаат қилди. Уларнинг ҳолати қониқарли. Беморлар зарур даволанишдан ўтказилди.
Врачлар овқатдан заҳарланиш ташхисини қўйишди. Таомлар таҳлил учун олинди, натижалари уч-тўрт кундан сўнг маълум бўлади.
Беморлардан бири касалхонага ётишдан бош тортди. Қолган 12 кишини бугун чиқариб юбориш кутилмоқда.
Заҳарланганлар орасида Эронлик бир нафар спортчи ва Бирлашган Араб Амирлигидан 6 нафар спортчи бор.