Amnesty International делегацияси кейинги 14 йил ичида илк бор Ўзбекистонга ташриф буюради

Халқаро инсон ҳуқуқлари ҳимояси ташкилоти – Amnesty International (AI) делегацияси 2004 йилдан бери илк бор Ўзбекистонга ташриф буюради. Ташкилот баёнотида айтилишича, ташриф 24-25 май кунларига режалаштирилган бўлиб, ундан республика Ташқи ишлар ва-зирлиги ва Адлия вазирлиги мулозимлари билан учрашувлар ўрин олган. Ҳуқуқ ҳимоячилари гуруҳини Amnesty Internationalнинг Шарқий Европа ва Марказий Осиё бўлими директори Мари Стразерс ва унинг ўринбосари Денис Кривошеевлар бошқарадилар.

Мари Стразерс Ўзбекистон ҳукумати инсон ҳуқуқлари бўйича экспертлар билан мулоқот олиб боришга тайёр эканини маълум қилди. «Кейинги бир ярим йил ичида ҳукуматнинг ижобий қадамлар ташлагани, жумладан қийноқларга мутлоқ барҳам бергани бизларни мамнун этади. Лекин Ўзбекистонда инсон ҳуқуқларини ҳимоя қилиш учун ҳали кўп ишларни амалга ошириш лозим. Бизлар ўзбек ҳукумати учун тавсиялар рўйхатини тайёрлаганмиз, умид қиламизки, расмий Тошкент уни жиддий ўрганиб чиқади. Бу ерда гап сиёсий мотивларга боғлиқ жиноий ишларни тўхтатиш ва ўтмишда инсон ҳуқуқларини поймол этилгани ҳодисаларини холисона баҳолаш ҳақида кетмоқда», – деб қўшимча қилади AI минтақавий бўлим бошлиғи.

Amnesty International ташкилоти вакиллари сўнгги охирги марта Ўзбекистонга 2004 йили ташриф буюргандилар. Ўшанда ташкилот Ўзбекистонда фаолият юритувчи “Оналар ўлим жазоси ва қийноқларга қаршидир” ҳуқуқ ташкилоти билан ҳамкорликда конференция ўтказганди.

AI ташкилотининг дунёдаги инсон ҳуқуқлари ҳимоясига бағишланган йиллик докладига биноан, Ўзбекистон 2017 йили Марказий Осиёда инсон ҳуқуқ ва эркинликларини ҳимоя қилиш борасида ижобий қадамлар ташлаган ягона давлат, деб тан олинган. Бироқ, мамлакатдаги аҳволни жуда яхши деб бўлмайди. Куни-кеча Ўзбекистон президентининг АҚШга ташрифи муносабати билан Amnesty International Дональд Трампни музокараларда Ислом Каримов давридаги сиёсий репрессия ва сексуал озчиликни ташкил этадиган инсонлар қисмати билан боғлиқ муаммоларни муҳокама қилишга чорлаганди.

Манба“Фарғона” халқаро ахборот агентлиги

Бўлишинг:

Муҳаррир танлови

Бундан кейин болаларини фақат coca-cola ва пирог бериб боққан ота қамалди

Франциялик эркак фарзандларига фақат пирог ва Coca-cola бериб, боққани учун уч ойга қамалди. Бу ҳақида “Халқ сўзи” нашри Le Figaro газетасига асосланиб хабар берди. ...

“ўзбекистон ақш ва буюк британиядан ҳам хавфсизроқ мамлакат”

Gallup'нинг янги халқаро сўровномаси натижаларига кўра, Миср Африкадаги энг хавфсиз давлат, деб топилди. У, ҳаттоки, АҚШ ва Буюк Британиядан кўра ҳам хавфсизроқ экан. ...

Перу: зилзиладан кейинги келтирилган зарар ҳисобланмоқда

Перуда зилзиладан кейинги келтирилган зарарлар ҳисоблана бошлади. Мамлакат худудида  14-январь куни кучи 6,8 баллга етган ер силкиниши содир бўлиб, унинг ўчоғи Тинч океанида ...