Украина бош вазири: журналист Бабченконинг ўлимига Россия алоқадор

Украина бош вазири Владимир Гройсманнинг фикрича, Киевда россиялик журналист Аркадий Бабченконинг ўлими учун жавобгарлик Россия зиммасига тушади. Украина ҳукумати раҳбарининг сўзларига қараганда, Москва журналистни “ҳалоллиги ва ўз принципига содиқлигини” кечирмаган.

“Украинанинг ҳақиқий дўсти, жаҳонга Россия тажовузкорлиги ҳақида гапирарди”, — дея ёзди Гройсман Фейсбукда. У хабарга Бабченконинг ижтимоий тармоқдаги сўнгги пости скриншотини илова қилди, унда 2014 йилнинг 29 май куни юк кўп бўлгани учун вертолётга чиқмагани, бу вертолёт ўша куни Украина шарқида ҳалокат учрагани таъкидланади. “Менинг омадим келди. Иккинчи бор туғилдим”, – дея ёзди журналист. Бу ёзувдан сўнг орадан 10 соат ўтиб Бабченко ўлдирилди.

Тахминларга кўра, Бабченконинг ўлдирилиши ортида Кремль турган бўлиши мумкин, бу борадаги фикрларни Украина ТИВ раҳбари Павел Климкин илгари сурди. Вазирнинг айтишича, Бабченко хатарлар туфайли Россияни тарк этишга мажбур бўлган. “У демократик Россия учун, Украина учун курашни давом эттирди ва албатта Москва уни ҳамиша душман сифатида кўриб келган”, – деди Климкин БМТ Хавфсизлик Кенгашининг Нью-Йоркда бўлиб ўтган мажлисида қилган чиқишида.

Россия ташқи ишлар вазирлиги Аркадий Бабченконинг қариндошлари ва яқинларига таъзия билдирди. Бироқ, бу ҳодисани Украинадаги “жазога тортилмаслик” муҳити билан боғлади.

Аркадий Бабченко куни кеча Киевдаги уйи йўлакчасида ўлдирилди. Қотил журналистнинг ортидан уч марта ўқ узган. Бабченко шифохонага олиб кетилаётган бир вақтда “тез ёрдам” машинасида вафот этди.

Украина ИИВ “қасддан ўлдириш” моддаси бўйича жиноий иш очди ва эҳтимолий қотилнинг қўлда чизилган суратини эълон қилди. Киев полицияси иккита асосий версияни илгари сурмоқда —журналистнинг касбий фаолияти ва унинг фуқаролик фикри. Бабченконинг ўлими юзасидан Россия Тергов қўмитаси ҳам жиноий иш очди.

ЕХҲТ Украина ҳукуматига мурожаат қилиб Киевда россиялик журналистнинг ўлими бўйича зудлик билан тергов ишларини бошлашга чақирди. Бу ҳақда ЕХҲТнинг ОАВ эркинлиги бўйича вакили Арлем Дезир тввитерда ёзди.

Бўлишинг:

Муҳаррир танлови

“ муҳолифат ичидаги энг мард муҳожир…”

Мен Баҳодир Хон Туркистон билан ёзувчи Эврил Турон қаламига мансуб “Афсона ва Ҳақиқат” эссеси орқали танишганман. “Алпомиш” достонининг оҳангларини(!) қалбимда уйғотиб, фикр ...

Бухоро шаҳар ҳокимлиги бош прокуратура хабарини инкор қилмоқда

Кеча, 24 январь куни Бош прокуратура матбуот хизмати Бухоро шаҳар ҳокимлиги бўлими бошлиғи икки хонали уй ажратириб бериш эвазига 1200 АҚШ доллари пора беришни талаб қилиб, ...

Андижонда беморнинг ўғли шифокорни қўлини боғлаб, устидан бензин сепди

Жорий йилнинг 21 август куни Андижон вилоят кўп тармоқли тиббиёт марказида даволанаётган бемор Аҳмедова Инобатхоннинг ўғли томонидан мазкур тиббиёт муассасасининг ортопедия ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400