Ўзбекистонда “Muslim ТV” интернет телеканали иш бошлади

Ўзбекистон мусулмонлари идораси томонидан муборак Рамазон ойида “Muslim ТV” интернет телеканали йўлга қўйилди. Бу ҳақда диний идора матбуот хизмати хабар берди.

“Muslim ТV” интернет телеканали интернет тармоғида катта аудиторияга эга бўлган “ITV.UZ” интерактив телевидениеси билан ҳамкорликда йўлга қўйилди.

Хабарда айтилишича, “ITV.UZ”га уланиш орқали ва интернет тармоғидаги itv.uz сайтидан рўйхатдан ўтган ҳолда “Muslim ТV” телеканали кўрсатувларини томоша қилиш мумкин.

Мобил қурилмалар учун эса itv.uz мобил иловасини кўчириб олган ҳолда телеканални кузатиш мумкин бўлади.

Манба:  sputniknews-uz.com