Закот ва фитрни энди мобил телефони ва Интернет орқали тўлаш мумкин

Click ширкати “Вақф” меҳр-мурувват жамғармаси билан ҳамкорликда ҳайрия, вақф, закот, фитр, ушр, фидя тўловларини Интернет ва уяли алоқа тизими орқали амалга ошириш тизимини ишга туширди.

Podrobno.uz нашрининг ёзишича, бу эҳсонлар “Вақф” жамғармаси ҳисобига келиб тушади. Click мобил банкинг тизими бўлиб, у жисмоний шахсларга товар ва хизматлар учун мобил телефон ва Интернет орқали тўловларни амалга ошириш имкониятларини яратади.

Мобил телефони орқали тўловлар USSD/SMS, Интернет орқали Web\Web-mobile тизими орқали амалга оширилади.

Ҳайрия, вақф, закот, фитр, ушр, фидя тўловларини мобил телефони орқали амалга ошириш учун *880*1100# рақамлари терилиб, керакли тўлов танланади ва амалга оширилади.

Президент фармони билан ташкил этилган “Вақф” жамғармаси май ойида Адлия вазирлигида рўйхатга олинган эди. Мазкур жамғарма масжидларни, зиёратгоҳларни ва бошқа объектларни таъмирлаш, диний соҳа ходимларини моддий жиҳатдан қўллаб-қувватлаш каби фаолият билан шуғулланади.

Манба: “Озодлик” сайти

Бўлишинг:

Муҳаррир танлови

Муфтий ишдан кетгани ҳақида хабар тарқатган azon.uz сайти муҳаррирининг ўзи ишдан олинди

Бугун Азон.уз нашри Ўзбекистон Мусулмонлари идораси раиси, муфтий Усмонхон Алимов эгаллаб турган лавозимидан озод қилингани ҳақида хабар берган эди. Бу хабар ижтимоий ...

Ўзбекистонда рамазон ойи 24 апрелда бошланади

2020 йил муборак Рамазон ойининг бошланиши 24 апрель кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилинмоқда. Ўзбекистон ...

Закот, фидя ва фитр садақаси кимларга, қачон ва қанча миқдорда берилади?

Рамазон ойи – баракали ой. Чунки унда амалга ошириладиган молиявий ибодатлар туфайли эҳтиёжманд кишиларнинг мушкули осон бўлади, хайр-эҳсон қилувчиларнинг молига ҳам барака ...