Қозоғистонда “ҳунлар даврига оид қадимий” артефактлар топилди

Оқтобедан 20 километр узоқликдаги Қурайли қишлоғи яқинидан инсон ва от қолдиғи кўмилган қабр топилди.

«Қадимий қабрдаги буюмларни ўрганган ҳолда биз, улар ҳунлар даврига оид деган хулосага келдик. От эгар-жабдуқлари, бош кийимдаги безаклар, камар ва эгар эрамиздан аввалги 2-4 асрларда сариқ олтинсифат, балки олтиндир, металлдан ясалган. Қадимий қабрдан яна кумуш ва бронза буюмлари топилди. Ҳарбийнинг кийими яримхром усулида яратилган ва металл безаклар ҳамда қимматбаҳо тошлар билан безатилган. Бу усул ҳунлар даврида кенг тарқалган эди», -дейди Оқтобе вилоят ўлкашунослик музейи директори Мейрам Дуйсенгали.

Топилма ҳунлар даврига оид деган тўхтамга келишнинг сабаби қабр устида мақбара йўқлигидир, дея таъкидлайди музей директори. Унинг қўшимча қилишича ҳунлар сак ва сарматлардан фарқли равишда қабрлар устига мақбаралар қурмаган. Мейрам Дуйсенгалининг айтишича, ҳунлар таниқли кишиларни кўмганларида ер устида дафн изларини қолдиришмаган.

Қадимий қабрни шимолий халқа йўли яқинидаги соҳил бўйида қурилиш учун қум қазиб олаётган экскаватор машинисти Қайрат Искаков топиб олди.

«Қум қазиб олаётганимда экскаватор чўмичига суяклар чиқди. Инсон ва от қолдиқлари, шунингдек олтиндан ясалган металл буюмлар уч метр чуқурликда эди. Мен ишимни тўхтатиб карьер бошлиғига қўнғироқ қилдим. У бу жиноят излари деган фикрда зудлик билан полицияни чақирди», – дейди Қайрат Искаков.

Агар Олмаота лабораторияси қабрдаги артефактлар ҳақиқатдан ҳам ҳунлар даврига оид эканлигини тасдиқлайдиган бўлса у ҳолда буюмлар Оқтобе вилоят музейи коллекциясини тўлдиради. Тарихчиларнинг фикрича, шу кунга қадар Оқтобе вилоят ҳудудларида ҳунлар даврига оид артефактлар топилмаган эди.

Бўлишинг:

Муҳаррир танлови

Элни севсанг, эл севар

Сирдарё, сир-дарё... Сирдарёнинг ичи тўла сир, ичи тўла ҳасрат экан.  Ӯзимизча дарё қирғоқларида яшовчи аҳоли унинг саховати, муруввати туфайли тўкин, бахтли, фаровон яшайди, ...

“бирдамлик” баёноти дххга етказилди

2018 йил 5 апрель куни мухолифатдаги "Бирдамлик" Халқ Демократик ҳаракатининг Ўзбекистондаги раҳбари ва фаоллари Ҳаракат раҳбари Баҳодир Хон Туркистоннинг "Мухолифатдаги ...

Ёшлар иттифоқи: “россияда паспортини йўқотган мигрантлар ортга қайтарилади”

Ўзбекистон ёшлар иттифоқи Марказий Кенгаши раиси Қаҳрамон Қуронбоев бошчилигидаги делегация Санкт-Петербургда ишлаётган меҳнат муҳожирлари ҳаёти билан яқиндан танишган. ...