Ўзбекистон олтин-валюта захираси сезиларли камайди

Марказий банк 2018 йил 1 июнь ҳолатига кўра Ўзбекистон олтин-валюта захираси ҳақидаги маълумотларни эълон қилинди.

Тақдим этилган рақамларга кўра, республика олтин-валюта захираси бир ой олдинги кўрсаткичдан 228,4 миллион долларга камайиб, 28,12 миллиард долларни ташкил этмоқда. Улардан 14 миллиард доллари хорижий валютадаги активлар, 14,12 миллиард доллари эса – монетар олтин.

1 июнь ҳолатига кўра соф олтин-валюта захиралари 27,02 миллиард долларни ташкил қилди.

«Ўзбекистон Республикасининг Марказий банки тўғрисида»ги қонунга мувофиқ, Марказий банкнинг асосий вазифаларидан бири сифатида республика олтин-валюта захираларини сақлаш ва бошқариш белгиланган.

Олтин-валюта захираларини ҳисоблаш методикаси Халқаро валюта жамғармасининг стандартлари асосида юритилади. Олтин-валюта захираларининг таркиби хорижий валюта активлари ва қуйма шаклидаги монетар олтиндан иборат.

Олтин-валюта захираларини самарали бошқариш мақсадида Марказий банк томонидан захираларнинг ялпи ва соф қийматлари ҳисоби юритилади.

Соф олтин-валюта захиралари тижорат банклари ва давлат бошқаруви органларининг (Молия вазирлиги, Тикланиш ва тараққиёт жамғармаси бундан мустасно) Марказий банкда очилган ҳисобварақларидаги валюта маблағларини, яъни Марказий банкнинг ушбу ташкилотлар олдидаги мажбуриятларини ҳисобга олмайди.

Манба: sof.uz

Бўлишинг:

Муҳаррир танлови

Баҳодир чориев: сиёсий ислоҳотлар ўтказилмас экан, ҳар қандай ўзгаришлардан наф йўқ

18.05.2017 09:21 msk Фарғона   Ўзбекистонда яқин ўн йил ичида иқтисодий ўсиш ва ривожланиш бўлмайди, негаки янги президент ўтмишдоши Ислом Каримовнинг йўлидан кета ...

Ўзбекистонда евро курси 10421,13 сўм доллар эса 9411,3 сўм бўлди 

Марказий банк 17 сентябрдан эътиборан хорижий валюталарнинг ўзбек сўмига нисбатан янги қийматини белгилади. Ўтган ҳафтадаги қиймат билан солиштирганда, долларнинг расмий ...

Тошкентликлар электрдан 20 миллиард сўм қарз

Ҳозирга келиб Тошкент шаҳри аҳолисининг электр энергиясидан қарзи 20 миллиард сўмга етган, дея хабар беради Подробно.уз нашри. “Тошкент шаҳар электр тармоқлари корхонаси” бош ...