Тошкентда милиция ходимлари кўча супураяпти

Тошкент шаҳар Шайхонтоҳур туман Ички ишлар бўлими ходимлари мажбурий равишда ободонлаштириш ишларига чиқарилаётганидан шикоят қилди. Милиционерларга кўра, бир ойдан буён бўлим ходимлари иш пайти кўча супириш ва тозалаш ишларига жалб қилинмоқда.

Озодликка боғланган Шайхонтоҳур туман Ички ишлар бўлими ходимига кўра, бир ойдан буён бўлимнинг сержант ва сафдорлари “Обиназир” маҳалласини тозалаш ишларига мажбурий тарзда олиб чиқилмоқда. Фақат ёши 40дан ошганлар чиқмаяпти.

“Бир кунда 30 киши сменага тушади. Шундан 10 киши уборкага чиқади. Разводдан кейин формани ечиб, гражданский кийимда уборкага кетамиз. Қўлимизга белкурак билан кетмон беришган. Ўтларни чопаяпмиз. Қуриб қолган дарахтлар бўлса, кесаяпмиз. Гаражларни бузаяпмиз. Дардимизни кимга айтишни билмаяпмиз. Ёрдам беринг”, дейди исмини очиқламасликни сўраган милиция ходими.

Яна бир милиционерга кўра, Шайхонтоҳур туман ИИБ ходимлари тозалаш ишларига чақарилаётгани сабаб улар 34-35 соатлаб уйига бормаяпти. Рўзадорлар ҳам иссиқда кўча супираяпти.

Шайхонтоҳур туман ИИБ раҳбарлари бўлим ходимларининг кўча тозалашга чиқарилаётганини тасдиқлашди. “Битта милиция эмас, ҳамма ташкилот ўша ерда”, деди мулозим.

Тошкент шаҳар Ички ишлар бош бошқарманинг Ахборот мультимедиа маркази бошлиғи Бахтиёр Иноғомов билан журналистлар боғланганида, у саволларни ўрганиб кўриб, кейин жавоб беришини айтди. Бироқ кейинги қўнғироқларда телефон гўшагини кўтармади.

Вазирлар Маҳкамаси 2018 йилнинг 10 майида чиққан қарорига асосан, мамлакатда мажбурий меҳнат тақиқланган.

Бўлишинг:

Муҳаррир танлови

Биз кўп таъминланганмизми? ҳоким билан суҳбат

«Кам таъминланган оила». Бу тоифага кимлар киради? Кимлар «кўп таъминланган оила»? Мухбиримиз Каримберди Тўрамурод Ширин шаҳри ҳокими Илҳом Бегалиев билан шу ва бошқа ...

Сирдарёлик ўлган йигитни милиция ходимлари калтаклаганини яқинлари иддао қилмоқда

Сирдарё вилоят, Боёвут туманининг “Бунёдкор” ҚФЙда яшаган 33 яшар Элмурод Мустафоевнинг яқинлари у милиция ходимлари томонидан аёвсиз калтакланганидан сўнг вафот этганини ...

81 ёшли отахон: “20 йилдан буён ўзбекистон фуқароси бўлишни орзу қиламан”

 11 октябрь куни Самарқанд шаҳрининг Регистон майдонида ташкил этилган “Ҳуқуқий билимлар куни” номли оммавий тадбирда 81 яшар Ўктам Муҳаммадиев Ўзбекистон фуқаролигини олиш ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400