Мухаммад Шакур: “Экспортни тижоратчиларга берайлик”

Бу йил Сурхондарёда минглаб тонна пиёз шундоқ ерда қолиб кетди. Минглаб тонна картошка нобуд бўлди. Деҳқонлар хонавайрон бўлди.

Бу дегани – минглаб оилаларнинг ҳамёни бўшаб қолди, минглаб қилшоқ оилаларининг ҳаёт даражаси пасайди, минглаб болаларнинг яшаши ёмонлашди, минглаб одамларнинг кайфияти тушди, дегани. Минглаб оилаларнинг тотувлиги йўқолди, дегани. Минглаб йигитлар яна Россияга отланди, дегани. Минглаб хотинлар яна ёстиққа кўз ёш тўкади, дегани. Минглаб болалар яна отасиз – кўчада “тарбия” топади, дегани. Минглаб муаммолар юзага келади, дегани.

Нега бундай бўлди? Жавоб – қишлоқ аҳли томорқаларида етиштирган махсулотни четга экспорт қилиш мансабдорларга топширилди.

Экспорт нархлари эса ҳаводан олиб белгиланди – “фалон нархда сотилсин!” деган фармон чиқди. Иби! Қандай қилиб нарх фармон билан ҳал қилиниши мумкин. Чет эл харидори бизнинг фармонга бўйсўнадими?

Хўш, нега экспорт қилиш битта ташкилотга топширилди? Сабаби нима?

Асосий сабаб – “олибсотарлар ёмон одамлар, деҳқондан махсулотни арзон олиб, қимматига сотишади!” деган кўчанинг гапи бўлди. Кўчанинг гапи бу, бошқа нарса эмас.

Аслида ТИЖОРАТЧИЛАР СОНИ КЎП БЎЛИБ, УЛАР ЎРТАСИДА РАҚОБАТ БЎЛСА, МАХСУЛОТ НАРХИ ҲЕЧ ҚАЧОН ПАСТГА УРИЛМАЙДИ. Талаб-таклиф нархни маромига келтиради. Минглаб тонна махсулот ерга қолиб кетмайди, минлаб деҳқонлар хонавайрон бўлмайди… ваҳоказо…

Экспортни тижоратчиларга берайлик.

Муаллиф: Мухаммад Шакур 

Манба: “Фейсбук” саҳифаси

 

Бўлишинг:

Муҳаррир танлови

Жиззахда ҳаракатдаги аттракцион иккига бўлиниб кетиб, 19 ёшли қиз вафот этди

Жиззах шаҳридаги "Истиқлол" паркида ичида одамлари бўлган аттракцион ҳаракат вақтида ерга қулади, деб ёзади “Спутник” сайти. Даҳшатли кадрларда аттракцион қай тарзда иккига ...

Ўзбекистонликлар ўз фуқаролигини йўқотиши мумкин

Хорижий давлатларга доимий яшашга чиқиб кетган Ўзбекистон Республикаси фуқароларининг 1150 кишилик рўйхати эълон қилинди, деб ёзади “Соф.уз” сайти. Ўзбекистоннинг Россиядаги ...

Ўзбекистон аҳолиси қозоғистонга қайси мақсадлар учун боришмоқда?

Кейинги пайтларда қўшни давлатлар билан муносабатимиз анча яхшиланди. Айниқса, Қозоғистон Республикаси билан алоқалар фаоллашди. Буни ижобий ҳолат сифатида боҳалаш керак. ...