Apple ширкати ўзи юрадиган автомобиллар лойиҳаси учун одам ёллади

АҚШнинг Apple ширкати ўзи юрадиган автомобилларга қизиқиб келаётгани сир эмас. Ширкат яқинда таниқли муҳандис Жейми Вайдони ишга олди.

Вайдо бундан аввал автоном автомобиллар ишлаб чиқариш билан шуғулланиб келаётган Waymo ширкатида ҳамда NASA космик агентлигининг реактив двигателлар лабораториясида ишлаган.

Вайдонинг собиқ ҳамкасблари у Waymo ширкатида ўта муҳим роль ўйнаганини айтишди. Хусусан, муҳандис Wаймо тайёрлаган прототиплар хавфсизлигини текширган. NASAда ишлаган пайтида эса Марсоход лойиҳасида қатнашган.

Вайдо Apple ширкатида айнан нима иш қилиши ҳозирча номаълум. Кузатувчиларнинг айтишича, ширкат ўз автоном автомобилини ишлаб чиқишда хавфсизликка алоҳида эътибор қаратишга уринмоқда.

Эслатиб ўтамиз, йил бошида Аризона штатининг Темп шаҳрида синовдан ўтказилаётган ҳайдовчисиз бошқариладиган Uber автомашинаси йўлни кесиб ўтаётган бир аёлни босиб кетган эди.

Аввалроқ Apple ўзи юрадиган автомобиллар қуриши мумкинлиги ҳақида гап-сўз тарқалган эди. Аммо мутахассислар бундай лойиҳа ҳатто Appleдек ширкат учун ҳам осон бўлмаслигини айтиб келади. Айримлар эса ширкат технологияни ишлаб чиқиб, лицензия сотишни режалаштираётганини тахмин қилмоқда.

Манба: ozodlik.org

Бўлишинг:

Муҳаррир танлови

Ўзбекистон ҳудудида буюк хитой деворига ўхшаш “буюк бақтрия девори” топилди

Россия Фанлар академияси Археология институти ходимлари Ўзбекистон Фанлар академияси Санъатшунослик институти ҳамкабслари билан биргаликда эрамиздан аввалги III асрга мансуб ...

Ақтўбеда бузилиб қолган автобусдан 51 нафар ўзбекистонлик қутқарилди

Бугун, 10 февраль куни Қозоғистоннинг Ақтўбе области ҳудудида, «Самара-Чимкент» автойўлининг 668-километрида Setra русумли йўловчи автобус бузилиб қолди. Бу ҳақда “Кун.уз” ...

Украина: россия аскарларининг аксарияти чернобилни тарк этди

Украинанинг Чернобил АЭСини эгаллаб олган рус қўшинларининг аксарияти Беларус чегараси томонга чиқиб кетди. Бу ҳақда 31-март куни Украинанинг “Энергоатом” давлат компанияси ...