Суд тошкентлик криминал етакчисини барча моддалар бўйича оқлади

Аббосхон Хўжаев. Uznews.uz сайти фотоси

Тошкентнинг жиноят ишлари бўйича Олмазор туман суди криминал оламида машҳур бўлган Аббосхон Хўжаевни унга қўйилган барча айблов моддалари устидан оқлов ҳукмини эълон қилди, деб хабар беради UzNews.uz

Хўжаев Ўзбекистон Республикаси Жиноят кодексининг 25 – моддаси (“жиноятга тайёргарлик кўриш ва жиноятни содир этиш”), 273 – модда (“гиёҳванд ва психотроп моддаларни сотиш учун уларни ноқонуний тайёрлаш, сотиб олиш, сақлаш”), 165 – модданинг 2 – қисм “а” ва “в” пунктлари (“товламачилик”) билан айбланган. Охирги модда бўйича унинг шериги Муҳамаджон Қурбонов ҳам айбланган. Судя Мирзиёд Обидов суд томонидан иккила айбланаётган шахс мутлақо оқланганини эълон қилди.

Судланувчиларнинг адвокатлари бундай қарор чиқарилишига, президент Шавкат Мирзиёевнинг оқлов ҳукмлари чиқарилмаётгани туфайли судяларни қаттиқ танқид остига олгани ва шу сабаб суд-ҳуқуқ тизимида ислоҳотлар бошлагани сабаб бўлганини таъкидлайдилар.

Хўжаев криминал ибораси билан айтганда Тошкент шаҳри бўйича «қараб турувчи» (криминал қатлами етакчиси) ҳисобланади. У ўтган йили октябрь ойида ҳибсга олинган. «У жиноий гуруҳ тузганлиги, криминал қатламида ўзига хос обрў орттиришга урингани тўғрисидаги маълумотлар тасдиқланади», –деганди ўшанда Тергов бошқармаси раҳбари Дониёр Тошхўжаев. Хўжаевнинг ҳибсга олиниши президент Мирзиёев томонидан криминал элементлари билан кескин кураш олиб бориш, уларнинг «думини тугиб қўйиш» кераклиги борасидаги мурожаатидан кейин юз берганди.

Манба: “Фарғона” халқаро ахборот агентлиги

Бўлишинг:

Муҳаррир танлови

Фин кўрфази соҳилида ўзбекнинг жасади топилди

Ўзбекистоннинг Санкт-Петербург шаҳридаги (Россия) Бош консулхонаси 2019 йилнинг 19 сентябрь куни Фин кўрфази соҳилида Ўзбекистон фуқароси Г.О.нинг жасади топилгани тўғрисида ...

Ер аҳолиси кексаймоқда ва шаҳарларга кўчиб ўтмоқда

Кекса кишиларнинг кўпайиб бориши шаҳар аҳолиси сонининг кескин ошишига сабаб бўлади, бу ўз навбатида турли оқибатларга олиб келиши мумкин, дейилади БМТнинг аҳолишунослик ва ...

Сўронбой жээнбеков: порахўрликка қарши курашувчиларнинг ўзи — порахўр

Бу ҳақида бугун Қирғизистон президенти Сўронбой Жээнбеков Хавфсизлик кенгаши йиғилишида айтди, дея хабар беради Baq.kz ахборот агентлиги маҳаллий ОАВдан иқтибос келтирган ...