Жазирамада чиқинди идишлари чиқараётган бадбўй ҳиддан қандай қутулиш мумкин?

Ҳавонинг исиб кетиши натижасида юзага келадиган турли ноқулайликлар ёнига  чиқиндилардан таралаётган ёқимсиз ҳид ҳам қўшилади. Бунга сабаб нима, муаммога қандай барҳам бериш мумкин?

Гап шундаки, жазирама ҳавода чиқинди сақланаётган челаклар ва контейнерларда кислород етарли бўлмагани боис улар ўзидан бадбўй исни тезроқ чиқара бошлайди. Бундан ташқари, иссиқ ҳавода тез кўпаювчи бактерия ва замбуруғлар ҳам ҳавони ифлослантиради.

Тозалик бобида гап кетганида кўпинча немисларни ибрат қилиб кўрсатишади. Келинг, биз ҳам немисча усулларга мурожаат қиламиз: Германиянинг Коммунал корхоналар бирлашмаси — «VKU» ташкилоти экспертларининг маслаҳатларига қулоқ тутамиз.

Демак, немис мутахассисларининг айтишларича, қуйидаги усуллар бадбўй ҳидни ҳайдашда сизга ёрдам беради:

Соя: бактерияларнинг кўпайишига ўз қўлингиз билан шароит яратманг, яъни чиқинди идишларини доим соя жойда сақланг. Бу ошхона чиқинди челагига ҳам таааллуқли.

Газета қоғози: озиқ-овқат чиқиндиларини ташлаш учун мўлжалланган идишларнинг остига газета қоғозларини тўшанг. Нам-ҳўл чиқиндиларни, яхшиси, аввал газетага ўранг, сўнг челакка ташланг: қоғоз намни ўзига тортиб олади ва бадбўй ҳид ва моғор пайдо бўлишига йўл қўймайди.

Тозалик: чиқинди челак ва идишларини тез-тез ювиб туриш керак. Улардаги ёмон ҳидлардан эса сода, қаҳва, сирка ёки писта кўмир ёрдамида халос бўлиш мумкин. Бунинг учун бу воситалардан биронтасини пича вақт идиш ичида қолдириш керак. Кейин эса идиш ювиб ташланади.

Чиқиндини вақтида ташлаб келиш: қанчалик бачкана туюлмасин, бу энг самарали йўл. Агар чиқиндини тез-тез ташлаб келишга одатлансангиз, юқоридаги муаммо сиз учун бегона, ишонаверинг.

Манба: xabar.uz

Бўлишинг:

Муҳаррир танлови

Ўзбекистонда фоҳишабозликка қарши қатъий чоралар кўриш таклиф этилмоқда

"Менинг фикрим" порталида "Жамиятда фоҳишабозликка қарши қатъий чоралар кўриш ҳақида" петиция эълон қилинди.  Мурожаат муаллифининг фикрича, фоҳишаликни ва шунга ...

Тожикистонда қамоқда ўтириб, гиёҳванд моддалар савдосини назорат қилувчилар фош қилинди

Тожикистон махсус хизматлари Душанбадаги қамоқхоналардан бирида жазо муддатини ўтаётган бўлишига қарамай Тожикистон-Афғонистон чегараси орқали гиёҳванд моддалар олиб ...

Қодиров украинадаги урушга борганларга 300 минг рубль ваъда қилмоқда

“Чеченистон раҳбари Рамзан Қодиров Украинага урушга борган ҳар бир кўнгиллига 300 минг рубль миқдорида бир марталик тўловни ваъда қилди”, — деб ёзади "Агентство" нашри. ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400