Асли ўзбекистонлик АҚШ фуқароси Зокир Алиев озод қилинди

Ўзбекистондан олинган хабарларга кўра, бундан бир неча кун олдин терроризмга алоқадор айбловлар билан гумонланиб Қашқадарё вилоятида ҳибсга олинган АҚШ фуқароси Зокир Алиев озод этилган.

Ҳозир АҚШ фуқароси бўлган асли қашқадарёлик Зокир Алиев Президент Мирзиёев четдаги ўзбекларни ватанга қайтишга чорлаганига ишониб Ўзбекистонга қайтган.

Бироқ у Чироқчидаги қариндошларининг уйига кириши ортидан бир неча соат ўтар-ўтмай, Қаршидан юборилган хавфсизлик ходимлари олиб кетишади.

Яқинларининг билдиришича, Зокир Алиевга қарши конституцион тузумга тажовуз, терроризм ва чегарани ноқонуний кесиб ўтиш каби ҳаракатларни кўзда тутадиган жами бешта айблов илгари сурилган.

Оила аъзолари у 2005 йилдан бери қидирувга берилганини, аммо айби йўқлигини исботлаш учун қайтганини айтишган.

Маълум бўлишича, вилоят куч ва ҳуқуқ-тартибот тизимлари раҳбарлари унинг оила аъзоларини йиғиб, ўғлингизни чақиртирсангиз, қўйилган айбловларни олиб ташлаб, қидирувни бекор қиламиз, деб ваъда беришган.

Бунга ишонган оила аъзолари Зокир Алиевни Ўзбекистонга қайтишга таклиф этишган.

Қўшма Штатларда солиқ ширкатини бошқариб келган 46 яшар асли ўзбекистонлик Зокир Алиев – АҚШ фуқароси.

У асил ватанига бориш учун Ўзбекистон элчихонасидан виза рухсати олгани хабар қилинмоқда.

Зокир Алиев ҳибсга олингани ортидан гўё унинг Ўзбекистон Исломий Ҳаракати аъзоси бўлгани, Афғонистонда жанговор ҳаракатларда қатнашгани ҳақидаги хабарлар Интернет социал тармоқларида тарқалди.

Зокир Алиев ҳибсга олинганидан буён қайси идорада сақлангани, ким томонидан сўроқ қилингани ҳақида ҳеч қандай ахборот тарқатилмади.

Бугун хорижда минглаб ўзбекистонликлар ватанга борсам, бирон айб топиб қамаб қўйишмайдими, деган хавотирда яшайдилар.

Уларнинг баъзилари ҳеч қандай ноқонуний ҳаракат қилишмаган. Айрим ҳолатларда ОВИР тартибларини бузган ва ёки маҳалла нозирлари ҳамда фаоллари тарафидан бирон рўйхатга тиркаб қўйилган бўлиши мумкин.

Бироқ Ўзбекистонда четда ишлаётган ва яшаётган фуқароларни потенциал террорчи ёки жиноятчи сифатида кўриш ва ҳатто қамоққа олиш тажрибаси қўллаб келингани учун кўпчилик ватанга боришдан қўрқади.

Олдинроқ Президент Мирзиёевнинг чорловларига ишониб Ўзбекистонга борган бир неча киши қўлга олинган ёки устидан жиноят иши очилган.

Манба: www.bbc.com

Бўлишинг:

Муҳаррир танлови

Росгидромет қозоғистон билан чегарадаги радиациявий ифлосланишни тасдиқлади

Россия гидрометерология ва атроф-муҳит мониторинги федерал хизмати Россия ҳудудида 2017 йил сентябрдаги радиациявий ҳолат ҳақидаги бюллетенни эълон қилди. (more…)

Бухорода алимент тўламаган 6 нафар шахсга 15 сутка қамоқ жазоси берилди

Мажбурий ижро буюроси Бухоро шаҳар бўлими томонидан икки ойдан ортиқ муддатда алимент тўловларини тўламаган 6 нафар шахс Ўзбекистон Республикаси МЖТКнинг 474-моддасига ...

Хабарларнинг ҳиссиз талқини

Тўғриси, мени ўзбек телевизори тортмайди. Нега?  Чунки, кўрсатувлар юзаки, хўжа кўрсинга, журналистлар деярли саводсиз даражада. Қобилият, истеъдод деган нарсалардан ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400