Ўзбекистон уч ой ичида Швейцарияга $1,3 млрд миқдорида олтин сотган

2018 йилнинг биринчи кварталида Ўзбекистоннинг экспорт хажми – $2,9 млрд.ни ташкил этди, ундан $1,3 млрд миқдордаги олтин Швейцарияга жўнатилган. Ўзбекистон Марказий банки шу ҳақда маълумот беради.

Олтин қатори экспортдан ўрин олган асосий товарлардан бири – табиий газдир. У $487,2 млн.га сотилган. Иккала товарнинг сотув хажми умумий экспорт суммасининг 61 фоизини ташкил этади. Ўзбекистон маҳсулотларининг 49 фоизини Швейцария сотиб олган. Хитойга қилинган экспорт умумий савдонинг – 15% , Россия -13%, Қозоғистон -7 %, Туркия – 6% ва Афғонистон – 4 фоизини ташкил этади.

Ўзбекистоннинг импорт хажми – $3,6 млрд.ни ташкил этган. Импортнинг асосий қисмини нефть ва нефть маҳсулотлари – $186,5 млн, дори дармонлар – $184,7 млн, эҳтиёж қисм ва транспорт воситалари жиҳозлари – $141,9 млн, шакар – $131,6 млн, металлопрокат – $120,4 млн, шунингдек, текстиль жиҳозлари – $91,7 млн.ни ташкил этган. Ўзбекистон импортининг асосини Россия – 26%, Хитой– 23%, Қозоғистон – 10%, Жанубий Корея – 8%, Туркия – 7%, Литва – 6%, Германия – 5 фоизини эгаллаган.

Швейцариядаги олтин мамлакатнинг кризис ҳолатида асосий ролни ўйнайдиган муҳим омилдир. Мазкур мамлакат олтин захиралари бўйича дунёда еттинчи ўринни эгаллайди. Лекин шунга қарамасдан, кейинги йиллар бу ерда олтин захираси хажми анча камайган. 2000 – йилдан 2008 – йилгача Швейцария 1500 тонна олтин сотган. 2017 йил октябрь ҳолати бўйича мамлакатнинг олтин захираси 1040 тоннани ташкил этган. Таққослайдиган бўлсак, 2018 йил 1 январь ҳисобига кўра, Ўзбекистон 336 тонна олтин захирасига эга бўлган. Аввали хабар берилганидек, 2017 йил Ўзбекистоннинг олтин захираси 6,23 фоизга ортган ва $28,077 млрд ташкил этган. Монетар олтин хажми $12,256 млрд.дан (2016 йил) $14,034 млрд.гача ортган.

Соф олтин валюта (халқаро) захираси мамлакатнинг молиявий аҳволига баҳо берувчи кўрсатгичдир. Улар олтин валюта захирасининг бир қисми бўлиб, тўлов борасида қисқамуддатли мажбуриятларни ўз ичига олмайди. Монетар олтин — бу одатда ёмби ва тангалар кўринишидаги олтин маҳсулотлари захирасидир.

Манба: “Фарғона” халқаро ахборот агентлиги

Бўлишинг:

Муҳаррир танлови

Миб шиддат билан ишлаябди

МИБ ходимлари эшикни тақиллатиб ҳисоблагични кўрсатишни сўрашди, кўча тарафда ўрнатилган пластик карта билан тўлов қилинувчи ҳисоблагични кўздан кечириб, ноқонуний хеч нарса ...

Ўзбекистонда 1 мартдан бошлаб ногирон фарзанди бор оналарга пенсия тўланади

2019 йил 1 мартдан бошлаб болаликдан ногиронлиги бўлган фарзанди бор оналарга, улар пенсия ёшига тўлгандан сўнг, агар уларда пенсия тайинлаш учун зарур стаж мавжуд бўлмаса, ...

Жамшид қўчқоров: «ўзбекнефтгаз» ёки «ўзбекэнерго» нинг ичида молхонаси ҳам бор, бошқаси ҳам бор

Молия вазири Жамшид Қўчқоров Энергетика вазирлигига тегишли бўлган корхоналар хусусийлаштирилишини маълум қилди. У бу ҳақда журналистлар билан бўлиб ўтган очиқ мулоқотда ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400