“Тошкентда нон ва сомса сотиб олишга чўчиб қолдим”

– Кечаги “Ахборот”ни кўрдингизми?

Бугун аксар ўзбекистонликларнинг қариндоши, таниш-билиши суҳбатлари ана шу саволдан бошланди.

Ўзбекистон пойтахтида жамоат овқатланиши нуқталарининг аҳволи ҳақида 6 июль тунида “Ўзбекистон 24” телеканалида намойиш этилган видео лавҳалар жуда кўпчиликни шок қилди, дейилса муболаға бўлмайди.

Президентнинг “Обод маҳалла” ташаббуси билан инсонларнинг яшаш шароити, турар-жой ва нотурар-жой биноларининг аҳволи, ариқ ва анҳорлар атрофидаги вазият билан бирга жамоат тамаддихоналарининг ҳам талабларга жавоб бериш-бермаслигини ўрганиш бошланган.

Мутасадди идораларнинг масъул ходимларидан ташкил этилган махсус комиссия Тошкент шаҳрининг барча туманларидаги нонвойхона, ошхона, сомсахона ва бошқа жамоат овқатланиши муассасаларининг санитария, ёнғин хавфсизлиги, сомчаси ёки нонвойнинг бирор бир юқумли хасталикка чалинган-чалинмагани, айни шу бизнес тури билан шуғулланишга рухсатнома бор-йўқлиги текширилди.

Кўрсатилган кадрлар ушбу йўналишларда аҳвол ўта абгор эканини кўрсатди: сомса учун тайёрлаб қўйилган гўшт қўл ювадиган раковина олдида қолдирилган, балки кеча пиширилган кабоб айниб ҳам улгурган, аммо уни пуллаш учун сақлаб турилибди, бир неча нонвойхонада хамир тайёрланадиган столнинг тагида новвой йигитлар учун ухлаш жойи қилиб берилган, тандирга солишга тайёр сомса усти очиқ ушлаб турилибди, овқат тайёрланадиган жой ва ҳожатхона ораси атиги бир-икки метр.

Савол туғилади: Махсус комиссия келиб кўрмагунча, Миробод, Юнусобод, Сергели, Мирзо Улуғбек, Бектемир, Чилонзор, Шайхонтоҳур туман ҳокимлиги масъуллари аҳвол ана шундай эканини билмаганларми?

Ўша туманлардаги санитария-эпидемиология, ёнғин хавфсизлиги, солиқ масъуллари бехабар бўлганлар, деган гапга биров ишонадими?

Юқоридаги суҳбат бошида берилган саволга шундай жавоб берганлар бўлди:

“Бундан кейин Тошкентда нон ва сомса сотиб олишга, кўчадаги ошхонада овқатланишга чўчиб қолдим”.

Энди, вилоятлардаги аҳвол қандай экан, деган савол ҳам туғилади.

Манба: bbc.com 

Бўлишинг:

Муҳаррир танлови

Қиш мавсумида электр энергиясида узилишлар бўлмайди, деб айтиш қийин

Қиш мавсумида электр энергиясида кузатиладиган узилишлар бўйича аниқ прогнозлар қилиш мушкул. Бу ҳақда «Ҳудудий электр тармоқлари» АЖ бошқарув раиси ўринбосари Феруз Қурбонов ...

Ўзбекистонда бир киши йил бўйи ўртача 43 кило гўшт ва гўшт маҳсулотлари истеъмол қилади

Бугун, 30 сентябрь куни, Ахборот ва оммавий коммуникациялар агентлигида Давлат статисика қўмитаси марказий аппарати, Тошкент шаҳри ва вилояти статистика бошқармалари ...

Чақалоқ экскалатордан қулаб тушди (видео)

Хитойнинг Уси шаҳрида экскалатордан қулаб тушган тўққиз ойлик чақалоқни ёш йигит қутқариб қолди деб ёзмоқда Life.ru нашри. Воқеа шаҳарнинг савдо марказларидан биридаги ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400