Россиянинг Сахалин оролидаги Южно-Сахалинск шаҳрида Ўзбекистон фуқаросига нисбатан ирқий, миллий ва диний нафрат қўзитиш, инсон қадр-қимматини топташ айблови билан жиноят иши қўзғатилди.
Россия Тергов қўмитасининг Сахалин вилоят бошқармаси тарқатган хабарда 30 ёшли ўзбекистонлик 2015 йилнинг июлида ижтимоий тармоқда ирқий, миллий ва диний нафрат қўзитадиган постни жойлаштиргани иддао қилинган.
Маълумотда таъкидланишича, экспертиза мазкур постда юқорида айтилган жиноятни содир этиш элементлари мавжудлигини тасдиқлаган.
“Айни пайтда жиноят иши юзасидан далилиларни йиғиш ишлари давом этмоқда”, дейилади расмий хабарда.
Манба: ozodlik.org