Вақтимга ачинаман

Амударёликлар давлат нотариал  идоралари ходимларининг ўз вазифаларига совуққонлигидан нолишади.

Қорақалпоғистон Республикаси Амударё тумани маркази Мангит шаҳрида иккита  давлат нотариал идораси фаолият юритади.

Деярли 170 минг аҳоли истиқомат қиладиган туман учун ортиқча нотариал идора шарт эмас.  Фақат  мавжуд икки идора ўз вақтида ва меъёрий ишласа. Аммо, афсуски…

– Мен 5 июль куни эрталаб соат саккизда №2 давлат нотариал идорасига етиб келдим. Соат 10 га яқинлашиб қолди, 10 одам йиғилдик, лекин нотариусдан дарак йўқ,- дейди ўзини таништиришни истамаган фуқаролардан бири.

Нотариусдан қандайдир саволига жавоб олишни истаб келган аёл эса, гапирганингиз билан фойдаси йўқ, фойдаси йўқ,- дея такрорлайди ва ўзини четга олади.

Шу куни соат 10 га  икки дақиқа қолганида №1 давлат нотариал идорасига етиб келамиз. Бу ерга йиғилган  ўттизтача мижозларнинг бириси нотариус ҳозиргина келганлигини, лекин хали қабул бошланмаганини гапиради.

Ўзини таништирмаган нотариуснинг айтишича, у пойтахт Нукусдан қатнаб ишлар экан. Бу эса  Мангитдан 70 километрлик масофа.

Яна у кишининг айтишича, №2 сонли нотариус идораси ходими  таътилда бўлиб, 11 июлдан ишга тушар экан.

Агар шундай булса, нега №2 сонли давлат нотариал идораси нотариуси Баходир Хужаметов ҳеч бўлмаганда идораси пештоқига бу хақда ёзиб қўйишни эп кўрмаган?

Қолаверса, ишга бир соат кечикиб келиб, мижозларни куттириб қўйиш олий маълумотли юристга ярашадими?

Жумри Жайхун

Бўлишинг:

Муҳаррир танлови

Мирзиёев тошкент прокуратураси ва милициясининг туну-кун ишлашига буйруқ берди

2018 йил 1 июлдан бошлаб Тошкент шаҳри кўчалари ҳуқуқ тартибот органлари томонидан туну-кун назорат остида олинади. 19 июнь куни президент томонидан “Хавфсиз пойтахт” ...

Туркиядаги ўзбек муҳожири: “энг арзон фоҳишалар – ўзбек қизлари”​

  "Мен Ўзбекистон фуқаросиман. Ҳозирда Туркияда ишлаяпман. Озодлик орқали Ўзбекистондаги ота-оналарни огоҳлантирмоқчиман. Мен меҳмонхонада ишлайман. Ҳар куни ўзбек ...