Бошқа мавзулар
Ўзбекистон Республикаси президенти Шавкат Мирзиёев яқин вақт ичида расмий ташриф билан Францияга боради. Бу ҳақда ҳукуматдаги манбасига таяниб Podrobno.uz хабар қилди. Хабарда сафар амалга ошириладиган конкрет сана айтилмаган.
«Ташриф доирасида Ўзбекистон президенти Шавкат Мирзиёев ва Франция президенти Эммануэл Макрон ўртасида музокаралар режалаштирилган. Унда бир қатор ҳужжатлар имзоланиши режалаштирилган», — деган сайт манбаси..
Франция пойтахтида ушбу ҳафтада савдо-иқтисодий ҳамкорлик бўйича Ҳукуматлараро комиссия йиғилиши бўлиб ўтиши ҳам хабар қилинди
Podrobno.uz маълумотларига кўра, Франция Ўзбекистоннинг Европа Иттифоқидаги муҳим савдо шерикларидан биридир. Мамлакатлар макроиқтисодий, молиявий, қишлоқ хўжалиги соҳалари, хусусий тадбиркорлик ва кичик бизнесни бошқариш учун кадрлар тайёрлаш соҳасида самарали ҳамкорлик қилади. 2016 йилда ўзаро савдо ҳажми 264,8 миллион долларни ташкил этган.
Манба: ozodlik.org
