Бошқа мавзулар
Ўзбекистондаги болалар боғчасида тарбиячи олти ёшли қизалоқнинг устига иссиқ шўрва солинган кастрюлкани тушириб юборди, дейилади Мактабгача таълим вазирлигининг Facebook’даги расмий сайтида.
Вазирликнинг хабар қилишича, тушлик беришдан аввал тарбиячининг ёрдамчиси югуриб келаётган қизчани пайқамасдан у билан тўқнашиб кетган ва шу тариқа қизчанинг устига иссиқ овқат тўкилиб кетган. Таълим муассасаси ходимининг эҳтиётсизлиги оқибатида қизча иккинчи ва учинчи даражали куйиш жароҳатини, шунингдек, чап кўз қовоғи атрофидан жароҳат олди.
Кейинчалик маълум бўлишича, болалар боғчаси раҳбарияти тез ёрдам чақиришни ўзига эп кўрмади ва туман мактабгача таълим бўлимига ҳодиса ҳақида маълумот бермаган.
«Ҳодисани ўрганиш натижасида болалар боғчаси маъмурияти воқеага бефарқ бўлгани аниқланди: тез ёрдам чақирилмади, тарбиячи ҳам, боғча мудираси ҳам даволаниш даврида қизчанинг саломатлиги билан қизиқмаган, мудира ота-она билан учрашмаган, айбдорларни жазоламаган, келажакда бу каби ҳодисалар такрорланмаслиги учун чора кўрмаган. Бундан ташқари бу факт мактабгача тарбия туман бўлими раҳбариятидан беркитилган», –дейилади вазирлик хабарида.
Муассасанинг ойдинлик киритишича, айни дамда тарбиячи ишдан бўшатилган, болалар боғчаси ходимларининг малакаси юзасидан суриштирув ишлари давом этмоқда.
