Қирғизистон: Сиёсий тутқун Азимжон Асқаровнинг саломатлиги ёмонлашган

Қирғизистон қамоқхонасида сақланаётган таниқли ўзбек инсон ҳуқуқлари ҳимоячиси Азижон Асқаровнинг саломатлиги ёмонлашган.

Бу ҳақда Қирғизистондаги Қийноқлар олдини олиш Миллий марказининг директори Нурдин Сулаймонов хабар қилган.

67 ёшли сиёсий тутқуннинг аҳволи оғирлашгани ҳақида Нурдин Сулаймоновга ўзининг манбаси хабар берган.

Шундан сўнг Қийноқлар олдини олиш Миллий маркази ходимлари Азимжон Асқаров билан учрашиш ва унинг аҳволи ҳақида тўлиқроқ маълумот олишга ҳаракат қилганлар.

Аммо марказ ходимлари Бишкек шаҳридаги СИЗО-1 деб номланадиган қамоқхонага борганларида учрашувга рухсат берилмаган.

Қароргоҳи Москвада бўлган халқаро «Фарғона» ахборот агентлигининг мухбири Екатерина Ивашенко ҳам Азимжон Асқаров билан учрашишга изн сўраган.

Лекин журналистга ҳам сиёсий тутқун билан кўришишга рухсат берилмаган.

Инсон ҳуқуқлари ҳимоячиси ва журналист Азимжон Асқаров 2010 йил ёзида Қирғизистон жанубида рўй берган қирғизлар билан ўзбеклар ўртасидаги этник тўқнашувлар пайти ҳибсга олинган эди.

Уни 2010 йил июь ойидаги этник зўравонликлар ва милиция ходимининг ўлимида айблашган.

Азимжон Асқаров ҳодисалар вақтида зўравонликлар, жумладан, ўз қишлоғидаги уйларнинг ёқиб юборилганини видеога олиб, интернетда чоп этиши ортидан ҳибсга олинган.

Азимжон Асқаров айбсиз экани ва ҳибсга олинганидан сўнг шафқатсиз қийноқларга солинганига қарамасдан, Қирғизистондаги қатор маҳкамалар кекса фаолни умрбод қамоқ жазосига ҳукм этган.

Ҳукмдан норози Азимжон Асқаров очлик эълон қилган эди.

Кўплаб халқаро ташкилотлар, хусусан, БМТ Инсон ҳуқуқлари қўмитаси, қатор хорижий давлатларнинг раҳбарлари Азимжон Асқаровнинг ноқонуний ҳибсга олингани ва қийноққа солингани айтганлар, унга нисбатан жиноят ишини қайта кўриб чиқишни талаб қилганлар.

Аммо Қирғиз ҳукумати ушбу чақириқларни инкор этиб келади.

2010 йил июнида Ўш ва Жалолободда юз берган зўравонликларда жабрланганларнинг ҳам, жазоланганларнинг ҳам кўпчилиги ўзбеклар экани айтилади.

Воқеаларда юзлаб инсон ҳалок бўлган, ўн минглаб одамлар уйларини ташлаб чиқишган.

Ҳодисаларни ўрганган халқаро мустақил комиссия Ўшнинг ўзбек маҳаллаларида содир этилган зўравонликлар “маҳкамада исботини топгани тақдирда, инсониятга қарши жиноятларга тенглаштирилиши мумкин”лигини айтган.

Қирғиз парламенти халқаро комиссия хулосаларини рад этган.

Қирғиз ҳукумати зўравонликлардан кейинги маҳкамаларда ўзбекларнинг нишонга олинганини инкор этиб келади.

Манба: BBCUZBEK.COM 

Бўлишинг:

Муҳаррир танлови

Бахтиёр абдусаматов тадбиркорларни қурилиш ва йўл ишларига мажбурлагани учун озодликдан маҳрум этилган

Юнусобод тумани собиқ ҳокими Бахтиёр Абдусаматов ер майдони ажратиб бериш эвазига тадбиркорларни ижтимоий бинолар қуриш ва кўчаларни асфальт қилиш ишларига мажбурлагани учун ...

Дхх ақшдан қайтган зокир алиевнинг собиқ ўиҳ аъзоси сифатида ҳибсга олинганини билдирди

"Ўзбекистон исломий ҳаракати"нинг бошқа аъзолари берган кўрсатмалар асосида Зокир Алиев 2005 йилда қидирувга берилган. Ўзбекистон Давлат хавфсизлик хизматининг миллий ...

Ўзбекистон бош прокурорининг собиқ ўринбосари устидан жиноят иши очилди

Ўзбекистон Бош прокурорининг собиқ ўринбосари¸ 45 яшар адлия полковниги Улуғбек Суннатов устидан жиноят иши очилган. Суннатов жорий йилнинг 24 февралида ўзининг Тошкентдаги ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400