Қирғиз-тожик чегарасида ҳодиса юз берди

Қирғизистон ва Тожикистон чегара хизматлари икки мамлакат чегарасида 20 июль куни юз берган ҳодиса, юзага келган можаро томонларнинг учрашуви ва музокаралар туфайли зудлик билан бартараф этилганини тасдиқлашди.

Қирғистон чегара хизмати баёнотига қараганда, 20 июл куни Тожикистоннинг Ворух анклави орқали ўтувчи Кишемиш – Оқсой транзит йўлида қўшни давлат чегарачилари шу ҳудуддан ўтаётган ҚР ДЧХнинг икки нафар ҳарбий хизматчисини ва икки фуқарони қонунга зид равишда ушлаган.

Қирғизистон Давлат Чегара Хизматининг жамоатчилик ва ОАВ билан алоқалар бўлими маълумотига кўра, ушлаш вақтида тожик чегарачилари ўзларини тажовузкорона тутишган ва Қирғизистон чегачиларидан бирига енгил тан жароҳати етказишди. «Зудлик билан Қирғизистонинг Боткен йўналиги бўйича чегара вакилари ва Тожикистоннинг Сўғд йўналиши бўйича чегара вакиллари иштирокида музокоралар бўлиб ўтди, унда қирғиз томони Тожикистон ҳарбий хизматчиларининг нотўғри ҳатти ҳаракатларини таъкидлашди. Музокаралар якуни бўйича қўлга олинган Қирғизистон фуқаролари ва чегарачилари қирғиз томонига топширилди. Учрашув давомида Тожикистон чегара хизмати вакили ўз харбийларининг ҳатти харакатлари учун кечирим сўради», -дейилади хабарда.

Шу билан бирга Сўғд вилояти чегара бошқармаси вакили баёнот бериб, қирғиз чегарачилари ва Қирғизистоннинг Оқсой қишлоғи аҳолиси томонидан “навбатдаги иғвога уриниш” бўлганини ва бу иғво зудлик билан учрашув ва музокаралар орқали бартараф этилганини маълум қилди. Ворух қишлоғида яшовчи Саидакбар Сафаровнинг Радио Озоди (“Озодлик” радиосининг тожик хизмати)га айтишича, Оқсой қишлоғи аҳолиси ва қирғиз чегарачилари ворухликларга ўз далаларида ишлашга рухсат бермаган, уларнинг фикрича, бу дала баҳслидир, шу сабабли ўртада можароли вазият юзага келган. “Ҳодиса жойига тожик чегарачилари ва милиционерлар етиб келди. Улар тўрт нафар қирғиз чегачиларини қўлга олди, кўп ўтмай улар томонларнинг музокораллари туфайли озод қилинди. Можаро куч ишлатилмасдан бартараф этилди” , — дея таъкидлади суҳбатдош.

Тожик-қирғиз чегасининг умумий узунлиги 976 километрни ташкил қилади, шундан 504 километри шу кунга қадар делимитация ва демаркация қилинган. Қолган участкалар бахсли дея кўрилади, шу сабабли ҳам икки ўртада тез тез можаролар юз бериб туради.

Бўлишинг:

Муҳаррир танлови

Тендерда ютишни ваъда қилиб 300 минг долларни олган шаҳс ушланди

2019 йил 20 июнь куни Тошкент шаҳар ИИББга алдов йўли билан катта миқдордаги пулни ўзлаштириш билан боғлиқ ҳужжат келиб тушган. Бу ҳақда ИИВ Жамоатчилик ва ОАВ билан алоқалар ...

Урганчда гўшт нарҳи тушгани айтилмоқда

Хоразм вилоят Урганч шаҳри ҳокимлиги ”Савдо харид” корхонаси билан ҳамкорликда Урганч деҳқон бозорида мол гўштини 30 минг сўмдан сотилишини йўлга қўйди. Бу ҳақда “Турон24” ...

Ўзбекистонда милиция ходимининг қонуний талабларини бажармаганлик учун жазо кучайтирилади

Ички ишлар вазирлиги «Ўзбекистон Республикасининг Жиноят кодексига ва Ўзбекистон Республикасининг Маъмурий жавобгарлик тўғрисидаги кодексига ўзгартишлар киритиш ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400