Футбол: Месут Ўзил “ирқчилик” сабаб Германия миллий терма жамоасини тарк этди

Арсенал футбол клубининг ярим ҳимоячиси Месут Ўзил Германияда ўзининг келиб чиқиши турк бўлгани учун “ирқчилик ва ҳурматсизлик”ка юз тутганини айтиб, халқаро футболни тарк этти.

29 яшар футболчи май ойида Лондонда ўтган тадбирда Туркия президенти Ражаб Тойиб Эрдўған билан бирга суратга тушгани учун танқид остида қолганди.

У сурат ортидан нафрат тўла мактублар ва таҳдидлар олгани, ҳамда Германиянинг Жаҳон Кубогидаги ожизлиги учун айбаланаётганини айтди.

Ўз Твиттер саҳифасида чоп қилган баёнотида Месут Ўзил “Агар ютсак, мен немисман, агар ютқазсак, муҳожирман,” деб ёзди.

Германия футбол раҳбарияти ҳозирча муносабат билдирмади, аммо Канцлер Ангела Меркель Ўзил миллий жамоа учун жуда кўп хизмат қилганини айтиб, унинг қарорини ҳурмат қилишини билдирди.

Германияда туғилиб ўсган Ўзил 2014 йил Жаҳон Кубогини қўлга киритган немис миллий жамоасининг муҳим аъзоси эди.

Аммо Эрдўған билан сурати ортидан Германия футбол уюшмаси ДФБ ҳам уни қоралаган.

Ўзилнинг ёзишича, у Эрдўған Туркия Президенти бўлгани учун у билан ўз илдизлари ва бу мансабга ҳурмат юзасидан учрашган.

Аммо, Эрдўған Туркия матбуотида инсон ҳуқуқларини топташ ва юз минглаб одамларни ёппасига ҳибсга олишда айбланади. Унинг Германиядаги турклар орасида ўз президентлик сайловолди кампаниясини ўтказиши ман этилган.

Манба: www.bbc.com

Бўлишинг:

Муҳаррир танлови

Яшнаобод туманида беморнинг уч нафар қариндоши шифокорларни дўппослади.

Соғлиқни сақлаш вазирлиги хабарида қайд этилишича, 25 сентябрь куни соат 22.01 да Тошкент шаҳар “Тез ёрдам” станцияси “Call-маркази”га Яшнобод тумани Боткина кўчаси 4- уй, ...

Эрдўғон президент ва парламент сайловларида ғалаба қозонганини айтди (видео)

Туркиянинг амалдаги президенти Ражаб Тойиб Эрдўғон баёнот бериб, дастлабки маълумотларга қараганда, президентлик сайловининг биринчи босқичидаёқ ғалаба қозонганини маълум ...

Хитой компанияси ангренда электромобиллар ишлаб чиқаради

Вазирлар Маҳкамасининг “Ўзбекистон Республикасининг Хитой Халқ Республикаси билан ҳамкорлик бўйича ҳукуматлараро қўмитанинг бешинчи мажлиси якунларига кўра эришилган ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400