Америкада ўзбекистонликлар нима иш қилишади?


Америка овози” нашрининг хабар беришича, келиб чиқиши ўзбекистонлик бўлган қиз АҚШ полициясига ишга қабул қилинди ва Қўшама Штатлар полиция хизматидаги илк ўзбекистонликка айланди.
Садоқатнинг бу дебюти натижасида ўзбеклар Америкада қиладиган ишлари рўйхатига яна бир касб қўшилди.

Канал аъзолари сони кўпайиб, фидбеклар, фикрлар ва саволлар ҳам анча кўп келадиган бўлиб қолди. Баракасини бераверсин. Энг кўп сўралаётганларидан бири — “Ўзбекистонликлар Америкада асосан нима иш қилишади?”

Америкадаги ўзбеклар ҳақида гап кетганда кўпчилик ҳуқуқшинос, влоггер Нодир Закировни, “Америка Овози”нинг энг фаол журналистларидан бири — Навбаҳор Имомовани, яқинда “Forbes” журналида 30 ёшдан кичик бўлган осиёлик энг бадавлат тадбиркорларнинг ўттизталик рўйхатида қайд этилган Дилмурод Асқаровни, миллионер Бобур Акилхоновни билади. Яқинда Наргиза Илҳамовна исш-шарифли қиз Facebookда иш бошлагани ҳақида ўқиганлар бордир балки. Кўпчилик танимаса-да, Американинг катта компанияларида ишлайдиган, Университетларда дарс бераётган, илмий ишлар қилаётган ўзбекистонликлар бор. Лекин барибир улар Америкадаги ўзбекларнинг 3-5 фоизини ташкил қилса керак. Балки жичча кўпроқдир.

АҚШ штатларида бир соатлик иш учун тўланаладиган энг кам иш ҳақи. Federal — мамлакат миқиёсида белгиланган минимум – $7.25

Жудаям турли соҳаларда ўзбекистонликларни учратиш мумкин бўлса-да, барибир, АҚШдаги ватандошлар орасида энг машхур соҳаларни аниқлашга уриниб кўрса бўлади.

Мен ўзим билган, таниганларимдан ва фейсбукдаги Uzbeks in USA гуруҳини кузатишим натижасида Америкадаги ўзбеклар орасида энг оммабоп касб — truck driver яъни юк машинаси ҳайдовчилари, бўлса керак, деб тахмин қиламан. Нега шунақа?

Логистика-транспортация соҳаси Қўшма штатлардаги энг катта бизнеслардан бири. Юк машинаси ҳайдовчилари кези келса нуфузли университетларни тамомлаган, катта корхоналарда, яхши лавозимда ишлайдиганлардан ҳам кўпроқ даромад қилишади, бу — бир.

Юк машинаси ҳайдаш учун керак бўладиган CDL гувоҳномасини олиш учун нари борса икки ой вақт ва икки минг доллар пул кетади, бу — икки.
Truckчиларнинг кўпчилиги ўзбекистонликлар юритадиган компанияларда ишлашади. Инглизчани зўр билворишиям шарт эмас шунинг учун, бу — уч.

Лекин иш машаққатли. Вақти келса ойлаб оиладан узоқда юришга, тунлари билан баҳайбат уловни бошқаришга, катта хавф-хатарларни бўйинга олишга, бир кунда минглаб километр йўл босишга тўғри келади. Ўзимас.

Ўзбекистонликлар орасида яна бир машхур иш — Uber/Lift такси ҳайдовчилиги. Катта, гавжум шаҳарларда бир кунда $300-400 ишлаш мумкин дейишади. Орландода бир кунда ўртача 10 соатча ҳайдасанг $120 атрофида топасан, дейди мен галашган Uberчилар. Машина ва унинг хужжатлари, ҳайдовчилик гувоҳномаси ва смартфон бўлишининг ўзи етарли. Фақат Uber талабига кўра АҚШда бир йиллик ҳайдовчилик тажрибасига эга бўлиши керак. Liftда талаблар анча осон дейишади.

Шунингдек, жудаям кўп штатларда ўзбекистонликлар очган кафе-ресторанлар, нонвойхоналар, пиццериялар фаолият олиб боради. Ишчиларининг кўпчилиги ўзбекистонликлар. Умуман, тадбиркорларимиз кўп. Тадбирлари билан одамлар корига яраб юришибди.

Турли савдо марказлари, дўконлар, завод ва фабриклар, меҳмонхоналарда ишлаш ҳам ўзбекистонликлар орасида кенг тарқалган.

Меҳнатдан қочмайдиган халқимиз бор. Меҳнат эса қадрланади. Қадрланяпти. Шунақа

Бўлишинг:

Муҳаррир танлови

Тошкентда кекса аёл автомойка ишчиси томонидан жинсий зўрланди

Фуқаро Фаррух Зайниддиновга нисбатан 1-1001-1904/241-сонли жиноят иши очилди. Сабаби, 1983 йилда Бухоро вилоятида туғилган 2 нафар фарзанднинг отаси бўлган, муқаддам ўғирлик, ...

Россияда ўтказилган жаҳон чемпионати тарихдаги энг сердаромади бўлди

ФИФА 2018 йилда Россияда ўтказилган жаҳон чемпионатидан 5,3 млрд доллар ишлаб олди. Бу ҳақда ФИФАнинг молиявий ҳисоботида маълум қилинган, деб ёзади “Трибуна.уз” сайти. ...

Тилла конида 3 кишини тош босиб қолди, икки нафари ҳалок бўлди

17 сентябрь куни Пахтачи туманида жойлашган, давлат захирасида бўлган “Қорақўтон” тоғ ҳудудидаги шахтада 3 фуқарони тоғ тоши босиб қолди. Улар ўзбошимчалик билан олтин қазиб ...