Мева ва сабзавотларни «Ўзагроэкспорт» нархларидан арзонга сотишга рухсат берилди

Фото: Тимофе Каспаров / “Газета.uz”

Мева-сабзавот маҳсулотларини «Ўзагроэкспорт» эълон қилган нархлардан паст бўлмаган нархларда экспорт қилиш талаби бекор қилинди.

Ўзбекистонда мева-сабзавот маҳсулотларини «Ўзагроэкспорт» эълон қилган нархлардан паст бўлмаган нархларда экспорт қилиш талаби бекор қилинди. Бу президентнинг 1 августдаги «Ўзбекистон Республикасида инвестиция муҳитини тубдан яхшилаш чора-тадбирлари тўғрисида”ги фармонида кўзда тутилган.

Бир вақтнинг ўзида мева-сабзавот маҳсулотларини экспорт контрактини тузмасдан, «Ўзагроэкспорт» АЖ расмий веб-сайтида қайд этилган нархлардан паст бўлмаган нархлар бўйича инвойс асосида божхона расмийлаштирувидан ўтказиш тартиби ҳам бекор қилинди.

Кўрсатиб ўтилган тартиблар ўтган йилнинг декабридаги ҳукумат қарори билан жорий этилган эди. Адлия вазирлиги, Иқтисодиёт вазирлиги ҳамда Хусусийлаштирилган корхоналарга кўмаклашиш ва рақобатни ривожлантириш давлат қўмитаси мазкур тартибларни бекор қилиш таклифини илгари сурди. Аввал тадбиркорлар ўрнатилган нархлардан паст баҳога маҳсулотларни сотиш имконияти йўқлигидан бир неча маротаба шикоят қилган эди.

2016 йил апрелида ташкил этилган «Ўзагроэкспорт» ихтисослашган ташқи савдо компанияси янги мева-сабзавот маҳсулотларини ташқи бозорларга етказиб бериш монополиясини қўлга киритган эди. Ўтган йилнинг июлидан президент қарори билан у мазкур ҳуқуқдан маҳрум этилди.

Манба:«Газета.uz»     

 

Бўлишинг:

Муҳаррир танлови

Ўзбекистонда пахта ўрнига қалампир экилади

Ўзбекистон кам ҳосил берадиган пахта далаларига аччиқ қалампир экишни режалаштирмоқда. Бундай тажриба илк бўлиб, ерлари шўрлаган Қорақалпоғистон Республикасида амалга ...

Дхх “ўздонмаҳсулот” раиси ҳайдаровнинг куëвини пора билан ушлади. ҳайдаров ҳам олиб кетилди

“Ўздонмаҳсулот” компаниясида ишловчи бир-биридан мустақил мулозимларнинг Озодликка билдиришича, ширкат раиси Сурат Ҳайдаров ва унга котиблик қилиб келган куëви Жамшид Шарипов ...

20 яшар қиз, кино қироли клуни, футболчи месси ва роналду – 2018 йилда қанчага бойишди?

Жорж Клуни ўтган йили актёрлар орасида энг кўп пул ишлаб топди, деб ёзмоқда Forbes журнали. Актёр асосий маблағни ўзи асосчиларидан бири бўлган текила компаниясининг ...