ID-карталар паспорт ўрнини эгалламайди

Фото: Шуҳрат Латипов / “Газета.uz”

ИИВ тақдим этган ҳужжатга кўра, Ўзбекистон фуқароларида иккита — миллий ва хорижга чиқиш паспорти бўлади.

2019 йил 1 январдан Ўзбекистонда хорижга чиқиш учун 2 йиллик рухсатнома стикерини (овир) расмийлаштириш бекор қилинади ва 10 йил муддатга амал қилинувчи хорижга чиқиш паспорти жорий этилади. Бу президентнинг ўтган йил августидаги фармонидан кўзда тутилган эди.

Ички ишлар вазирлиги Ўзбекистон фуқароларининг хорижга чиқиши бўйича янги тартибларни тасдиқловчи президент қарори лойиҳасини муҳокама учун эълон қилди.

Ҳужжатда мамлакат фуқароларининг иккита биометрик паспорти бўлиши кўзда тутилган бўлиб, бири миллий (Ўзбекистон фуқаролиги ва шахсни тасдиқловчи ҳужжат), иккинчиси — хорижга чиқиш (хорижга чиққан вақтда Ўзбекистон фуқаролиги ва шахсни тасдиқлаш учун инглиз тилидаги ҳужжат).

Бундан ташқари, фуқаронинг ягона идентификацион рақами, унинг шахсий маълумотлари ўз ичига олган ва давлат хизматларидан фойдаланишда шахсни тасдиқлашда фойдаланишга мўлжалланган идентификацион электрон картани (ID-карта) жорий этиш таклиф қилинмоқда.

Ўзбекистон Республикаси фуқароларининг хорижга чиқиш тартиблари тўғрисидаги Низом мамлакат фуқаролари хорижга эркин чиқиш ҳуқуқига эга эканини ўзида ифода этади.

Хорижда доимий яшаб, консуллик ҳисобида доимий турувчи Ўзбекистон фуқаролари учун хорижга чиқиш паспорти Ўзбекистон ҳудудида бўлиб турган вақтда шахсни тасдиқловчи ҳужжат сифатида қабул қилинади ва мамлакат ҳудудида нотариал ҳаракатларни олиб бориш учун кучга эга бўлади.

Ўзбекистон ҳудудида хорижга чиқиш паспорти 10 иш кунида берилиши лозим. Хорижда эса бу дипломатик почта йўналиши жадвалига боғлиқ.

Шошилинч даволаш, оғир касаллик ва яқин қариндошлар ўлимини тасдиқловчи ҳужжатлар бўлиб, хорижга чиқишга чекловлар бўлмаган тақдирда, паспорт 5 иш кунидан ортиқ бўлмаган муддатга берилиши лозим.

Низомда хорижга чиқиш паспортини беришни рад этиш учун асослар рўйхатини киритиш таклиф қилинмоқда. Мурожаатни кўриб чиқиш рад этилганда ёки муддатлар асоссиз узайтирилганда юқори орган ёки судга шикоят қилиш мумкин.

Манба: «Газета.uz»

Бўлишинг:

Муҳаррир танлови

Муштумзўр методист. андижон хтб тизимида бўлаётган хунук воқеа

Беш ойдирки, боши ғавғодан чиқмай қолган Нилуфар Маматқулованинг бор-йўқ айби ўқувчисига бўлган меҳри, ундаги руҳий ўзгаришлардан хавотир олганлиги эди, холос. Унинг ўрнида ...

Ўзбекистонда ҳудудидан бошқа ердаги мактабга қабул қилиш пуллик бўлади

 7 ёшга тўлмаган болаларни қўшимча квота бўйича мактабларга қабул қилишда ота-оналарнинг розилиги асосида энг кам ойлик иш ҳақининг  ўн бараваридан кам бўлмаган миқдорда бир ...

Дрон аппаратларини ўзбекистонга олиб кирган ёки улардан фойдаланган киши уч йилгача қамалади

Ўзбекистон Республикасининг Жиноят, Жиноят-процессуал кодексларига ҳамда Ўзбекистон Республикасининг Маъмурий жавобгарлик тўғрисидаги кодексига ўзгартириш ва қўшимчалар ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400