«Толибон» Тошкентда офисларини очиши мумкин

Фото :alriyadh.com

2018 йилнинг 7-10 август кунлари Доҳа шаҳрида (Қатар) жойлашган «Толибон» ҳаракати сиёсий идораси раҳбари Шер Муҳаммад Аббос Станикзай бошчилигидаги делегация Ўзбекистонга амалий ташриф билан келган.

«Толибон» ҳаракати делегацияси Ташқи ишлар вазирлигида қабул қилинган. Бу ҳақда вазирлик ахборот хизмати хабар берди.

Учрашувда Афғонистонда тинчлик ўрнатиш жараёнининг истиқболлари юзасидан фикр алмашилган.

Хорижий ОАВнинг ёзишича, Ташқи ишлар вазири Абдулазиз Комилов ва Президентнинг Афғонистон бўйича махсус вакили Исматилла Эргашев «Толибон» вакиллари билан музокаралар ўтказган.

«Afghan online press» нашрининг хабарига кўра, «Толибон» Тошкент шаҳрида ўз расмий офисини очиши мумкин. Ҳозирча фақат Доҳада қароргоҳга эга бўлиб, шунингдек, Дубай (БАА) шаҳрида ҳам янги идора очишлари режалаштирилган.

Эслатиб ўтамиз, Ўзбекистон Республикаси Президенти Шавкат Мирзиёев ташаббуси билан ташкил этилган «Тинчлик жараёни, хавфсизлик соҳасида ҳамкорлик ва минтақавий шериклик» мавзуcида Афғонистон бўйича юқори даражадаги Тошкент халқаро конференциясига «Толибон» ҳаракати вакиллари таклиф этилган, аммо қатнашмаган.

Бундан ташқари, Ўзбекистон Республикаси Ташқи ишлар вазирлиги расмий сайтида Афғонистон ҳукумати ва Толибон ҳаракати ўртасидаги музокараларга бағишланган баёнот эълон қилинган ва унда Тошкент шаҳрида 2018 йил 27 март куни бўлиб ўтган Афғонистон бўйича халқаро конференция давомида эришилган келишувлар муҳокама қилинган.

Манба:Хабар.Уз

 

Бўлишинг:

Муҳаррир танлови

Интернетда йпх инспекторлари янги формаси пайдо бўлди

Ижтимоий тармоқлар ва айрим Telegram каналларида ЙПХ инспекторларининг янги формаси сурати пайдо бўлди. Zed News Telegram канали маъмурларининг хабар беришича, бугун, 16 март ...

Отабек муродов иши ихтиёр абдуллаев иши доирасида кўриб чиқилмоқда

Собиқ бош прокурор Отабек Муродовга қарши жиноят иши Давлат хавфсизлик хизматининг собиқ раиси Ихтиёр Абдуллаев иши доирасида кўриб чиқилмоқда. Бу ҳақда Ўзбекистон Бош ...

Самарқанддаги тир-паркида 22 нафар енгил табиатли аёл ушланди

Самарқанд вилоят ИИБ терроризм ва экстремизмга қарши курашиш бошқармаси ҳамда жамоат тартибини сақлаш бошқармаси ходимларидан иборат гуруҳлар томонидан Оқдарё тумани ҳудудида ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400