Вашингтонда ирқчилар ва ирқчиликка қаршилар бир вақтда намойиш ўтказди

Фото:VOA Вашингтонда намойишлар хавфсизлигини назорат қилаётган полициячилар.

АҚШ пойтахти Вашингтонда 12 август куни Оқ уй олдида ирқчилар ва ирқчиликка қаршилар намойиш ўтказди.

Оқ танлиларнинг бошқа ирқлар устидан устунлиги тарафдорлари ўз рақиблари билан тўқнашиб кетишининг олдини олиш мақсадида полиция пойтахтнинг ўнлаб қўчаларини тўсиб қўйди ва қаттиқ назоратга олди.

Расмий хабарда айтилишича, оқ танлилар устунлигини иддао қилиб намойишга келганлар сони юз нафарга етмаган. Ирқчиликка қаршилар намойишига эса минглаб одам йиғилган.

Ирқчиликка қаршилар президент Дональд Трампга қарши ёзилган шиорларни кўтариб олган эдилар. Улар АҚШда ирқчиликнинг бош кўтаришида Дональд Трамп сиёсатини айблашмоқда.

Ўтган йили Виржиния штатининг Шарлотсвилл шаҳрида оқ танли миллатчиларнинг намойиши пайтида ирқчиликка қаршилар билан тўқнашув юз берган ва оқибатда ирқчиликка қарши намойишга чиққан бир одам ҳалок бўлганди.

Вашингтондаги намойишлар мана шу воқеанинг бир йиллиги муносабати билан ўтказилди.

Аввалроқ Шарлотсвиллда ўтган йилги намойишни уюштирган миллатчи Жейсон Кесслер “оқ танлиларнинг фуқаровий ҳуқуқлари” учун намойиш ўтказишини билдирган эди. Бироқ Шарлотсвилл ҳокимияти унга намойиш ўтказишни тақиқлаб қўйган.

Манба:Озодлик

 

Бўлишинг:

Муҳаррир танлови

Бизнеснинг ички томони: ўзбекистон кино саноати қандай яшамоқда?

Режиссёр Бекзод Жониев Kommersantга бир кунли суратга олиш қанчага тушиши, кинодан қанча пул ишлаш мумкинлиги ва бу бизнесда қандай муаммолар мавжудлиги ҳақида сўзлаб берди. ...

Ёзёвонда банкдан 100 минг доллар ўғирланди

5 февраль куни Фарғона вилояти Ёзёвон туманидаги Халқ банки бўлимида сақланаётган 100 минг долларнинг (838 млн сўм) йўқолгани аниқланган, деб хабар қилди «Газета.uz». ...

Комил холмуродов мирзачўлга ҳоким бўлди

1 ноябрь куни халқ депутатлари Мирзачўл тумани Кенгашининг навбатдан ташқари қирқ бешинчи сессияси ўтказилди. Холмуродов Комил Адҳамович Сессияда вилоят секторлари ...