Бошқа мавзулар
Поездда жами 329 нафар йўловчи бор эди. Катта тезликда ҳаракатланаётган поезд рельслардан чиқиб ағдирилиши оқибатида уларнинг 50 нафардан кўпроғи турли даражада жароҳат олган. Жароҳат олганларнинг олти нафари врачлар тарафидан ўта оғир аҳволда дея баҳоланган. Мутахассисларнинг хабар беришича, ўтган кундан бери тинимсиз ёққан ёмғир темир йўл рельсларини ҳам сирпанчиқ, поездлар ҳаракатланиши учун хавфли ҳолатга келтириб қўйган. Мамлакат фавқулодда вазиятлар вазирлиги раҳбари полковник Б. Мандахгэрэл қутқарув ва инфраструктурани қайта тиклаш масаласида шахсан бош-қош бўлмоқда. Ишчи гуруҳ 500 кишидан иборат. Юзга яқин полиция, фавқулодда вазиятлар вазирлиги, тиббиёт муассасалари ҳамда ўт ўчириш хизматига тегишли машиналар ҳам фожиа юз берган жойга жалб этилган.
