Бензин нархи халқаро даражагача оширилади

Фото: Desmond Boylan / Reuters

Венесуэла президенти Николас Мадуро мамлакатда бензин нархи халқаро даражагача кўтарилишини тасдиқлади.

У мамлакатда фуқаролар учун ёқилғига тўғридан-тўғри давлат субсидиялари киритиш асосида бензиннинг бозор қиймати ўрнатилишини маълум қилди. Бу ҳақида El Universal нашри хабар берди.

Мадуро Лотин Америкасининг бошқа мамлакатларига бензин контрабандасининг олдини олиш учун ана шундай қарорга келинганини таъкидлади.

“Бензин контрабандасини тўхтатишнинг ягона йўли ўз нархларимизни халқаро нархлаш даражасига олиб чиқиш ва бизнинг маҳсулотларни Колумбия ҳамда Кариб ҳавзасига ташиб кетаётган мафия устидан ғалаба қозонишдир. Шунинг учун мен венесуэлаликлар учун тўғридан-тўғри субсидиялар жорий этишни маъқуллайман”, – деди у.

Илгари Венесуэлада бензин ишлаб чиқарувчилари ва сотувчилари учун субсидия тизими амал қиларди. Пировардида бу ердаги ёқилғи нархи дунёдаги энг арзон кўрсаткичлардан бирига айланганди. Ўз навбатида ҳукумат бензин қиймати “сакраб кетиши”га йўл қўймаганлиги уни йиллар давомида ўзгармаслигини таъминлаб келаётган эди.

GlobalPetrolPrices портали ҳисоб-китобига кўра, давом этаётган ижтимоий-иқтисодий инқирозга қарамасдан ушбу давлат дунёдаги энг арзон бензин сотиладиган мамлакатлар рўйхатида биринчи ўринда турибди.

Мазкур манба маълумотида келтирилишича, 2018 йилнинг 13 август ҳолатига кўра Венесуэлада 1 литр бензин нархи 1 центр атрофида бўлган. Reuters бу борада қуйидагича таққослашни келтириб ўтади: Венесуэлада 1 чашка сутли қаҳва нархи ўртача 2,2 млн. боливар (тахминан 0,5 доллар)га тенг.

Шундай қилиб 1 финжон кофенинг пулига автомобил бакини бензин билан 9 минг бор тўлдириш мумкин.

Илгаридагидан фарқли равишда мамлакат ҳукумати ёқилғи қуйиш шохобчаларида кафолатланган паст нархлардан воз кечиб, бунинг ўрнига аҳоли учун ёқилғи харажатларини компенсация қилиш йўлига ўтмоқчи.

Бензин учун тўғридан-тўғри субсидиялардан миллий карта – идентификация ҳужжатига эга бўлган барча фойдаланиши мумкин.

Манба:Халқ сўзи

 

Бўлишинг:

Муҳаррир танлови

Турк тадбиркорларини ўзбекистонга келишдан нима тўсмоқда? ўзбек элчиси уларни қийнаётган муаммолар хусусида

Хорижий салоҳиятли инвесторлар, сармоядорларни Ўзбекистонга пул киритишдан нима тўсиб турибди, деган савол кўпчиликни қийнаб келмоқда. Бу борада турли фикрлар билдирилади ва ...

Зимбабведа норозилик намойишларида 170 киши жабрланди

Зимбабведа душанба куни бошланиб, ҳозирда давом этаётган норозилик намойишлари вақтида 172 киши жабрланиб, 68 нафари ўққа тутилган. Бу ҳақда РИА Новости агентлиги Инсон ...

Термизда зулфия мукофоти учун 200 доллар пора олаётган яна бир коррупционер аёл қўлга олинди

Зулфия номидаги давлат мукофоти учун ўтказилган кўрик-танловнинг Термиз шаҳар босқичида номзодни вилоят босқичига ўтказиш эвазига 200 АҚШ доллари сўраган шахс пора олаётганда ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400