Бошқа мавзуларРоссия президенти Владимир Путин 104 нафар хорижликка Россия фуқаролигини бериш тўғрисидаги фармонни имзолади. Бу ҳақида кун.уз сайти маълум қилди.
Ўзбекистоннинг собиқ фуқаролари тақдим этилган рус паспортлари бўйича биринчи ўринни эгаллади. Ҳужжатга кўра, Ўзбекистондан 16 нафар киши Россия фуқаросига айланди. Иккинчи ўрин Молдовада – 14 нафар собиқ фуқаро, учинчи – Арманистон (11 киши).
Шунингдек, Беларусь ва Тожикистондан келган ўн нафар шахс, Озарбойжондан тўққиз киши, Афғонистон, Украина ва Вьетнамдан беш киши, Франция, Туркия ҳамда Исроилдан икки нафардан ва Кипр, Италия, Ҳиндистон, АҚШ ҳамда Германиядан бир киши Россия фуқаролигини олди.
Ушбу шахслар РФ фуқароси сифатида қасамёд келтирган кундан бошлаб фуқароликни олади.
Эслатиб ўтамиз, Ўзбекистон Республикаси қонунларида икки мамлакат фуқаролиги тақиқланган.
