Абдулазиз Камилов Кобулда музокаралар ўтказди

Ўзбекистон ТИВ раҳбари Кобулда Афғонистон презенди ва бошқа расмий шахслар билан учрашди.

Фото: ТИВ

27 август куни Кобул шаҳрига амалий ташриф билан борган Ўзбекистон ташқи ишлар вазири Абдулазиз Камилов бошчилигидаги делегация Афғонистон пресиденти Муҳаммад Ашраф Ғани томонидан қабул қилинди, дея хабар берди ТИВ матбуот хизмати.

Вазир Ўзбекистон президенти Шавкат Мирзиёев номидан Афғонистон раҳбариятини дунё мусулмонларининг муҳим байрами — Қурбон ҳайити (Эйд ал-Адҳа) муносабати билан яна бир бор самимий табриклади ҳамда бутун биродар афғон халқига тинчлик ва фаровонлик тилакларини етказиб қўйди.

Бўлиб ўтган суҳбат чоғида 27 март куни Афғонистон бўйича халқаро конференцияда қабул қилинган Тошкент декларациясининг асосий қоидалари амалга оширилишининг бориши эътибор марказида бўлди. Жумладан, Афғонистонда тинч сиёсий жараёнга кўмаклашиш бўйича ўзаро келишилган чоралар муҳокама қилинди.

Учрашувда икки томонлама муносабатларнинг долзарб масалалари, аввало олий даражадаги мунтазам Ўзбекистон — Афғонистон музокаралари доирасида эришилган келишувларнинг бажарилиши ҳам кўриб чиқилди. Хусусан, томонларнинг темир йўл ва энергетика соҳалари бўйича мутахассислари «Мозори-Шариф — Ҳирот» темит йўл линияси ҳамда «Сурхон — Пули-Хумри» электр узатиш линияси қурилиши лойиҳасини амалга ошириш билан боғлиқ баъзи муҳим масалаларни муҳокама қилдилар.

Томонлар халқаро ва минтақавий кун тартибининг бошқа мавзуларини ҳам кўриб чиқдилар.

Шу куннинг ўзида Ўзбекистон делегацияси Кобул шаҳрида Афғонистон президентининг миллий хавфсизлик бўйича маслаҳатчиси Ҳамдулла Муҳиб, Ижроия ҳокимияти раҳбари Абдулла Абдулла ва Ташқи ишлар вазири ўринбосари Носир Андиша билан музокаралар ўтказди.

Манба: «Газета.uz»  

 

Бўлишинг:

Муҳаррир танлови

Қирғизистон парламенти косонсой сув омборини ўзбекистон билан биргаликда фойдаланиш масаласини кўриб чиқмоқда

Жўқўрғу Кенешнинг 13 декабрь кунги мажлиси кун тартибига «Қирғизистон ҳукумати ва Ўзбекистон ҳукумати ўртасида ҚРнинг Жалолобод вилояти Ола-Буқа туманидаги Ўрта-Тўқой ...

Тожикистондаги аёқш тармоғи раҳбарлари яна икки ой ҳибсда қолади

Душанбе шаҳридаги Фирдавсий туман суди Тожикистонда нефть маҳсулотлари етказиб бериш ва сотиш билан шуғулланувчи «Умед-88» компаниясининг раҳбарларини дастлабки ҳибсда ушлаб ...

Шахсга сиғиниш. марказий осиё президентларининг подишоҳларга айланиши ҳақида

Сооронбай Жээнбеков, Нурсултон Назарбоев, Эмомали Раҳмон ва Шавкат Мирзиёев. Қозоғистон президенти матбуот хизмати фотоси «Шунчаки мавжуд эканини ҳалқ билган ҳумкдор - яхши ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400