Бошқа мавзуларҚирғизистонинг Чолпон-Ата шаҳрида ўтаётган Турк тилли мамлакатларнинг ҳамкорлик кенгашининг саммитида Озарбайжон президенти Илхом Алиев Тоғли Қорабоғ муаммосини айтиб чиқди. Алиев бу ҳудуд узоқ муддатдан буён арман босқинчилари қўлида турганини таъкидлаб, оқибатда Озарбайжон ҳудудининг 20 фоизи бу ўлканинг қарамоғида эканини билдирди.
– 1 миллионга яқин қочқин ўз ерини ташлаб кетишга мажбур бўлди. 10 мингдан ошиқ инсон беъдарак. Арманистон бизнинг диний ва тарихий ёдгорликларни вайрон қилди. Бу жиноятлари учун улар жавоб бериши зарур, деди Алиев.
Озарбайжон президенти “Арманистон ҳарбий жиноятларни қилмоқда” деб буни геноцид сифатида баҳолади. Шу сабабли Алиев турк тилли мамлакатлар кенгашининг доирасида ҳудудий ҳавфсизлик масалаларини, янги ҳавф ҳатарларни бартараф қилишни муҳокама қилишга чақирди.
Эслатиб ўтамиз, 2-сентябрда Иссиқ-Кўлнинг Чўлпон-Ота шаҳридаги “Рух ўрда” комплексида Турк тилли мамлакатлар кенгашининг 6-саммити бошланди.
