Бошқа мавзулар
Сhen Guan Xuan, “Henan Wanbang Preferred Supply Chain Management Co.LTD” компанияси вакили (Хитой): Юртингиз тадбиркорлари ва бизнинг ишбилармонларимиз билан кечган учрашувлар расмиятчиликдан мутлақо холи бўлганини алоҳида таъкидлар эдим. Маҳаллий инвесторлар ўзаро ҳамкорлик масалаларини ишчанлик руҳи билан муҳокама қилдилар. Тадбиркорларимиз эса Бухорода жозибали лойиҳалар кутаётганини ҳис қилишди. Айни пайтда катта салоҳият касб этаётган туризм соҳаси ҳам бизни жуда қизиқтирди. Яна бир жиҳат, инвесторларимиз мамлакатингизда қулай инвестициявий муҳит яратилгани, инвесторлар манфаатлари ва ҳуқуқларини ишончли ҳимоя қилувчи қонунчилик асослари яратилгани ҳақида кенг тушунчаларга эга бўлдилар. Ўйлайманки, бугун Бухоро ва Хитой ишбилармонлари ўртасида имзоланган 50 миллион долларлик тўғридан-тўғри келишув икки давлат манфаатлари учун хизмат қилади. Мазкур Форум самараси яқин истиқболда амалий ишларда, жумладан, қўшма корхоналарни ташкил қилишда ўз ифодасини топади.
Kim Hwa Jung “Guemsan Iron end stil” компанияси Президенти (Жанубий Корея): Биз бугун жуда муҳим воқеа гувоҳи бўлдик. Мен аввало, шуни айтиб ўтишни лозим топдимки, ўзим ҳам бундан икки йил аввал шариф шаҳарнинг бир йирик лойиҳасига тамал тоши қўйганман. Бугун шуни мамнуният билан эслайман. Зеро, ҳамкорлигимиз ўзининг ижобий натижасини кўрсатди.
“Agro business Bukhara” халқаро бизнес Форуми ҳам Бухоро ҳудудида ишбилармонлар ҳамкорлигини янада ривожлантиришда муҳим дастуриламал бўлади. Айниқса, замонавий иссиқхона хўжаликлари ва гидропоника технологияларини ривожлантириш, эркин иқтисодий зоналари ер майдонларидан унумли фойдаланиш, сифатли қишлоқ хўжалик маҳсулотларини ишлаб чиқариш, шунингдек, маҳсулотларни экспорт қилиш салмоқли даражада ўсади.
Hursit Ilyas, “Varnet.Cam.Sera.Sistsan.VeTis.LTD.Sti” Туркия компанияси директори: “Agro business Bukhara” халқаро бизнес Форумининг юқори савияда ташкил этилгани, айниқса, вилоятга тўғридан-тўғри хорижий инвестицияларни жалб этишни жадаллаштириш борасида ҳудудлар инвестицион салоҳиятини намоён қилувчи кўргазмали воситаларнинг тўлалиги эътиборни тортмай қўймайди. Ҳар бири ўзига хос. Бухорога ташрифим биринчи марта эмас. Форумда фақатгина иқтисодий алоқаларни мустаҳкамлаш кўзда тутиб қолинмаган, балки ўзбек халқининг барча қирраларини ўзида мужассам этган. Бухоро шу жиҳати билан ўзбекона эҳтиром миллатнинг энг катта бойлиги эканини яна бир карра исбот этди. Миллий ҳунармандчилик равнақи, туризм соҳасидаги хизматлар турининг равнақ топаётгани ҳавас қиларли даражада. Тасанно!
Лайло Ҳайитова тайёрлади,
Таржимон: Нигина Юлдашева.
